2024-10-08
Close
2024-10-08
जनकपुरधाम । सरकारी कामकाज बाहेक अन्य काममा प्रयोग गर्न नपाइने सरकारी गाडीको धनुषामा दुरुपयोग बढ्दै गएको छ ।
जनप्रतिनिधि र सरकारी कर्मचारीले आफूअनुकूल सरकारी गाडीको प्रयोग गर्न थालेका छन् । विभिन्न मेला महोत्सव, घुमघाम र निजी काममा समेत सरकारी गाडी प्रयोग भइरहेका छन् । तर कुनै पनि निकायले गाडी दुरुपयोग भएको नियमन गरेको छैन ।
बिहीबार शहिदनगर नगरपालिकाकी उपप्रमुख सुनिता सिंह सरकारी गाडी लिएर घरायसी प्रयोजनको लागि सरसामान किनमेल गर्न मैथानपुर नाकामा पुगेका थिइन् । उपप्रमुख सिंहले चढ्दै आएको प्रदेश -२-०२-००१ झ ००६७ नम्बरको सरकारी गाडी प्रयोग गरी किनमेल गर्न नेपाल-भारत सिमानामा पुगेका थिइन् ।
कार्यालयको काममा मात्रै प्रयोग गर्नुपर्ने सरकारी गाडी लिएर उपप्रमुख सिंह आफ्नो श्रीमान् र छोरासहित घरायसी प्रयोजनको लागि सरसामान किनमेल गर्न विदेह नगरपालिका-१ स्थितमैनाथपुर नाकामा पुगेकी थिइन् । उपप्रमुख सिंह दशगजा नजिकै गाडी पार्किङ गरेर सरसामान लिन सिमापारी पुगिन् ।
सिमानापारीबाट फर्केपछि किनेको समानहरु गाडीमा लाद्न खोज्दा बिओपी मैनाथपुरबाट सिमाना खटिएका प्रहरीले गाडीमा समान राख्न नदिएपछि त्यो समानहरु टेम्पोमा राखेर गएको सशस्त्र प्रहरीले बताए । उपप्रमुख सिंहले ‘घरायसी प्रयोजनको सामग्री लिन सिमापारी जादैछौं’ भनेर सिमाना खटिएका सशस्त्र प्रहरीलाई भनेकाे बिओपी मैनाथपुरका सशस्त्र प्रहरी निरीक्षक गणेश पाण्डेले बताए । उनले भने, ‘सरकारी गाडीमा व्यक्तिगत सरसामान ढुवानी गर्न पाइदैन । हामीले त्यस्तो देखेपछि रोकेका हौं, गाडीमा सरसामान राख्न नदिएपछि उपप्रमुख सिंहले टेम्पोमा राखेर जानुभयाे।’
श्रीमान् र छोरासँगै गाडीमा घरायसी प्रयोजनको लागि सरसामान लिन सिमापारी गएका थियौं । तर हामीले किनेको समानहरु सरकारी गाडीमा नराखी टेम्पो भाडा गरी ल्याएको उनले भनिन् ‘सरकारले स्वंम सरकारी सम्पत्तिको दुरुपयोग गर्दैछन्, हामीले सानोतिनो दुरुपयोग मात्रै गरेको हो ।
