2024-03-19

Close

जनकपुरधाम । महोत्तरी जिल्लामा एक परिवार उपर वडाध्यक्षले सामुहिक कुटपिट गरेको आरोप लगाइएको छ । सो घटनामा एकै परिवारको ७ जना घाईते भएका छन् ।

महोत्तरी जिल्लाको लोहारपट्टि नगरपालिका वडा नम्बर २ मधेपुरास्थित विहिबार राती वडा नम्बर २ का वडाध्यक्ष राम मिलन यादवसहित उनका मान्छेहरुले एक परिवारमाथि निर्घात कुटपिट गरी गम्भिर घाईते बनाएको आरोप लगाएका छन् ।

स्थानीय हरिकिशोर दासको परिवारमाथि वडाध्यक्ष यादवको टोलीले निर्घात कुटपिट गरेको बताइएको छ । गएराती वडाध्यक्ष यादवको जेठो दाईको बिहेको लागि मटकोरमा चर्को साउण्डमा डिजे बजाउँदा विवाद सुरु भएको थियो ।

वडाध्यक्ष यादवले दास टोलमा गएर उनीहरुको दरबाजा (दुरा) मा चर्को साउण्डमा डिजे बजाउन थालेपछि उनीहरुले बच्चाहरु सुतिरहेको भन्दै यहाँबाट अगाडी सार्दै लैजान अनुरोध गरेका थिए । तर, वडाध्यक्ष यादवले दासकै दरबाजामा करिब १५ मिनेटसम्म जबदरस्ती रोकेर एउटै गीत पटक पटक बजाउन थालेपछि उनीहरुले विरोध जनाएका थिए । डिजेमा अश्लिल गीतसँगै दुःख दिने गरी दरबाजामै रोकेर पटाखा समेत फुटाउन थालेपछि दास परिवारले विरोध जनाउँदै अगाडी लैजान अनुरोध गरेका थिए । प्रहरीको अनुसार, वडाध्यक्ष पक्षबाट पनि घाईते भएका छन् ।

वडाध्यक्ष यादव र उनका टोलीका मान्छेहरुले अनुरोध नमान्दै उल्टै कुटपिट गरेको आरोप लगाएका छन् । सो घटनामा ७ जना घाईते भएका छन् । जसमा एक जनाको अवस्था गम्भिर रहेको छ ।

घटनामा वडाध्यक्ष यादवसहित उनका टिमले स्थानीय राम चन्द्र दास, राम एकवाल दास, कौसल दास, बिजय दास, सन्जय दास, हरि दास र लिलाधर दास गम्भिर घाईते भएका छन् ।

जिल्ला प्रहरी कार्यालय महोत्तरीका अनुसार, दास परिवारबाट ७ जना घाईते छन् भने वडाध्यक्ष तर्फबाट पनि केही जना घाईते रहेको बताउँदै ठाडो निवेदन मात्र परेको बताए । यसको विषयमा अनुसन्धान जारी रहेको बताए ।

घाईतेहरुको उपचार प्रादेशिक अस्पताल जनकपुरमा भईरहेको छ भने गम्भिर घाईते भनिएका एक जनाको उपचार जनकपुर न्यूरो हस्पिटलमै भईरहेको छ ।

सम्बन्धित

ताजा

लोकप्रिय

हाम्रो बारेमा

ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा कहिल्यै कसैसँग सम्झौता गर्ने छैन । अनलाइन पत्रिकाको रुपमा निरन्तर सुचना प्रवाहमा जागरुक रहन्छ । अप्पन जनकपुर मिडिया नेटवर्क प्रा.लि. द्वारा संचालित छ.
कम्पनि दर्ता न: २७४३५८/०७८/०७९
सूचना बिभागको दर्ता नं. २९६५/०७८/०७९
प्रेस काउन्सिल नेपाल सूचीकरण दर्ता नं.२२१/०७८/०७९

हाम्रो टिम

सम्पादक :- वि.पि.यादव
समाचार संयोजक :- विपिन कुमार यादव
वरिष्ठ सल्लाहकार :- श्रवण देब
वरिष्ठ सल्लाहकार :- सन्तोष कुमार यादव
संवाददाताहरु :
बद्री प्रसाद यादव (जनकपुर)
नरेश चन्द्र बरबरिया (सिरहा)
श्याम गुप्ता (बारा)
दिपेश कुमार साह (रौतहट)
कृष्ण यादव (बिरगंज)
अजय मिश्र (कपिलवस्तु)

सम्पर्क

अप्पन जनकपुर मिडिया नेटवर्क प्रा.लि.
जनकपुरधाम २ धनुषा,नेपाल
सम्पर्क नम्बर :- 9804825801, 9844005081
ईमेल :- [email protected],
[email protected]
अप्पन जनकपुर मिडिया नेटवर्क प्रा.लि. द्वारा संचालित हुनेछ

Copyright © 2018-2024 अपन जनकपुर

This will close in 20 seconds