जनकपुरधाम । धनुषाको शहिदनगर नगरपालिका-६ हठिपुरमा मंगलेश्वर महादेव मन्दिरको संस्थापक समाजसेवी डा. सत्यनारायण भदिसवार यादवको निधन भएको छ ।
मंगलबार राती १२:४५ मा अमिरेकामा आफ्नै निवासमा ६५ वर्षको उमेरमा डा. सत्यनारायण भदिसवार यादवको निधन भएको दिनेश भदिसवारले जानकारी दिए ।
उनका अनुसार डा. सत्यनारायण ४० वर्षदेखि अमिरेकामा बस्दै आइरहेको थिए । उनले आफ्नै जन्मभुमी हठिपुरमा आफ्नो व्यक्तिगत लगानीमा आन्तरिक पर्यटनलाई लोभलाग्दो मंगलेश्वर महादेवको मन्दिर निर्माण गरेको हो ।
डा. सत्यनारायणले आफ्नो गाउँमा मात्रै हैन्न, अरु कयौं स्थानमा महादेवको मन्दिरमा बनाएको हो ।उनले गाउँका एक सय भन्दा बढी गरिब किसानका छोराछोरीलाई आर्थिक सहयोग गरेर डाक्टर, इन्जिनियर बनाउन सफल भएको व्यक्ति हुनुहुन्छ डा. सत्यनारायण भदिसवार यादव ।
उनले आफ्नै बुबा किसुन भदिसवार र काकाको नाममा गाउँमै सामुदायिक विद्यालय समेत बनाएको हो ।
डा. सत्यनारायणले देवोका देव महादेवको भक्तिमा करिब २५ वर्षदेखि लागेका थिए ।
उनको एक छोरा र दुई छोरी रहेको हो । उनिहरु पनि अमिरेकामा बस्दै आइरहेको छ । डा. सत्यनारायणको अन्तिम संस्कार नेपाली समय ७ बजे बुधबार साँझ अमिरेकामा हुने उनको परिवारकै सदस्य दिनेश भदिसवारले जानकारी दिएको हो । उनको अन्तिम संस्कारको अमिरेकाबाट लाईभ जोडेर मंगलेश्वर महादेवको प्राङ्गणमा लाइभमार्फत गाउँबासीले श्रद्धाञ्जली दिने कार्यक्रम रहेको छ ।
डा. सत्यनारायण भदिसवार यादवको निधनको खबरले पुरै गाउँनै शोकमा डुबेको छ ।
