2024-04-29
Close
2024-04-29
विपिन यादव जनकपुरधाम । आज (शुक्रबार) महाशिवरात्रि हिन्दु धर्मावलम्बीहरुले भगवान शिवको पुजापाठ गरी महाशिवरात्रि पर्व मनाउँदै छन् । हरेक वर्ष फागुन कृष्ण चतुर्दशीका दिन यो पर्व मनाइन्छ ।
आज बिहान र दिनभर त्रयोदशी तिथी भएपनि रातको समय चतुर्दशी भएकाले यसै दिनलाई महाशिवरात्रि मानिएको हो ।
महाशिवरात्रिको अवसरमा बिहानैदेखि जनकपुरधाम जनकपुरधाम शिव मन्दिर, कपिलेश्वरनाथ महावेदव, क्षीरेश्वरनाथ महादेव, हठिपुरस्थित मंगलेश्वर महादेव, भुवनेश्वरनाथ महादेव, महोत्तरीको जलेश्वरनाथ, टुटेश्वरनाथ लगायत शिवालयहरुमा बिहानैदेखि भक्तजनको भीड लागेको छ ।
जटाधारी, निलकण्ठ, भोले बाबा, देवादी देव महादेव, शंकर, कैलाशपतिलगायत विभिन्न नामले पुकारिने शिवको प्यारो दिन भनेर महाशिवरात्रिलाई मानिन्छ । 
पार्वतीसँग विवाह भएको दिनका रूपमा पनि लिइने यस दिनलाई शिवभक्तले विशेष महत्वको रुपमा मनाउने गरेका छन् ।
महाशिवरात्रिको अवसरमा जनकपुरधामका विभिन्न युवा क्लब र सुरक्षाकर्मीहरुले भक्तजनहरुको सुविधालाई ध्यानमा राख्दै शिव मन्दिरहरुमा राम्रो व्यवस्थापन गरेका छन् ।
This will close in 20 seconds
