2024-12-12
Close
2024-12-12
जनकपुरधाम । नेपाल विद्युत प्राधिकरणले जनकपुरमा अप्रत्यासित रुपमा लोडसेडिँग गर्न थालेपछि ईनभर्टर व्यापारीसँग मिलोमत्तो गरेको आरोप लगाईएको छ ।
बिना कारण अप्रत्यासित रुपमा विद्युत कटौति गर्न थालेपछि केही कर्मचारीहरु जनकपुरका इनभर्टर व्यापारीसँग मिलिजुली गरेको आरोप लगाइएको हो । सोमबार साँझदेखि गरेको लोडसेडिँग झण्डै १० बजेपछि समाप्त भएको थियो । विना कुनै सूचनाको विद्युत कटौति गर्न थालेपछि उनीहरुको नियतमा प्रश्न तेर्साईएको छ ।
देशमा लोडसेडिँग अन्त्य भएको बर्षौ भएपनि जनकपुरमा अप्रत्यासित रुपमा विद्युत कटौति गर्ने परम्परा अझै चलिआएको हो । सोमबार साँझ ७ बजेदेखि कटौति गरेको विद्युत ३ घण्टापछि मात्र रिस्टोर गरिएको थियो । सो क्रममा एक कर्मचारीले जनकपुरधाम उपमहानगरपालिका वडा नम्बर २ वकिल टोलमा ट्रान्सफर्मर ठिक पार्न लागेको जानकारी दिएपनि कहि कतै मर्मतको कार्य देखिएको थिएनन् ।
प्रत्येक बर्ष गर्मीको मौसम चलेपछि जनकपुरमा अप्रत्यासित रुपमा अघोषित लोडसेडिँग गर्दा आम उपभोक्तालाई सास्ती हुँदै आएको छ । घरमा इनभर्टर जडान गरेका धनाढयहरुलाई यसले मतलब हुँदैनन । मध्यम परिवारलाई विद्युतकै भरमा गर्मी छल्ने भएपनि अप्रत्यासित विद्युत कटौतिले सास्ती हुँदै आएको छ ।
जनकपुरका केही इन्भर्टर व्यापारीहरुले विद्युतका केही कर्मचारीलाई प्रभावमा पारी विद्युत कटौति गरिदै आएको बताईन्छ ।
