2024-04-25
Close
2024-04-25
एसिड छ्याप्नेलाई कानुन संशोधन गरेरै भए पनि कडा कारबाही गर्नुपर्छ : सांसद यादव
काठमाण्डौ – समाजवादी पार्टीका नेता तथा सांसद प्रदीप यादवले कानुन संसोधन गरेरै भएपनि एसिड आक्रमण गर्ने दोषीलाई आजीवन कारावास वा मृत्युदण्डको व्यवस्था गर्न माग गर्नुभएको छ ।
प्रतिनिधिसभाको आइतबारको बैठकमा सांसद यादवले एसिड आक्रमणको घटनाको दोहोरिन नदिन पनि कडा सजायको व्यवस्था गर्नु आवश्यक रहेको बताउनुभएकाे हाे । एसिड आक्रमणबाट घाइते मुस्कान खातुनको रकम अभावमा उपचारमा समस्या देखिएको भन्दै उहाँले सहयोगका लागि सरकारसँग आग्रह पनि गर्नुभयो ।
आफ्नो पारिश्रमिकबाट ५० हजार उपलब्ध गराएको र प्रदेश २ को मुख्यमन्त्रीलाई भनेर पाँच लाख रुपैयाँ सहयोगको व्यवस्था मिलाएको भन्दै उहाँले उपचारका लागि लाग्ने थप रकम नेपाल सरकारले उपलब्ध गराइदिन आग्रह गर्नुभएको हो ।
यस्तै सांसद यादवले नागरिकता ऐन र मुलुकी अपराध संहितामामा वालिगको उमेर नै फरक फरक उल्लेख भएकाले कुन कानुन आफूहरुले मान्ने भन्दै प्रश्न गर्नुभयो ।
नागरिकता ऐनले १६ वर्षका व्यक्तिलाई वालिगको रुपमा लिँदै नागरिकता उपलब्ध गराउने व्यवस्था गरेको छ । तर मुलुकी संहिता ऐनले भने १८ वर्षका व्यक्तिलाई मात्रै वालिग उल्लेख गरेको छ ।
This will close in 20 seconds
