जनकपुरधाम,प्रदेश सभा सदस्य प्रमिला देवी दास र आफुबिच सामान्य भनाभन भएको विषयलाई लिएर ‘कुटाकुट’ भन्दै समाचार प्रकाशित भएको भन्दै प्रदेश २ का भूमि व्यवस्था, कृषि तथा सहकारी राज्यमन्त्री योगेन्द्र राय यादवले आपत्ति जनाएका छन् ।

मंगलबार प्रदेश नम्बर २ को संसद बैठक सुरु हुनुअघि विभिन्न उपभोक्ता समूहहरुले प्रदेशसभा कार्यालय अगाडि प्रदर्शन गरेका थिए ।

सोही क्रममा प्रदेश सभा भवन भित्र प्रवेश गर्ने क्रममा असन्तुष्ट समूहहरुलाई राज्यमन्त्री यादवले प्रक्रिया पुर्याएर प्रदेश सरकारले भुक्तानी गर्ने आश्वासन दिइरहेका थिए ।

‘त्यसैबेला आइपुगेका काँग्रेसका प्रदेश सभा सदस्य प्रमोद यादव र प्रमिला देवी दास पनि उपभोक्ताहरुसँगै नाराबाजी गर्न थाले । उनीहरुले मन्त्रीले झुठो बोलेको समेत भने । तर कुनै हात हालाहाल भएको होइन । सामान्य भनाभन भएको हो,’ राज्यमन्त्री यादवले भने प्रदेश सरकारले विभिन्न विकासे कामको आर्थिक बर्षको झण्डै ९१ करोड रुपैयाँ बक्यौता तिर्न बाँकी छ । सोही विषयलाई लिएर उपभोक्ता समितिहरुले प्रदर्शन गरेका हुन् ।

उक्त भुक्तानी विभिन्न कानुनी कारणले रोकिएको मन्त्री यादवको भनाइ छ । सरकारले प्रक्रिया अन्र्तगत भुक्तानी प्रयास गरिरहेको बताएपनि काँग्रेस सांसदहरुले त्यसैलाई विषय बनाएर सदन अवरोध गर्दै आएका छन् ।

राज्यमन्त्री राय समाजवादी पार्टीबाट राज्यमन्त्री बनेका हुन् भने प्रदेसभा सदस्य दास नेपाली काँग्रेसको समानुपातिक कोटाबाट मनोनित भएकी हुन् ।

सम्बन्धित

सशस्त्र प्रहरी बल धनुषाको १७ औं वार्षिकोत्सवमा जानकी मन्दिरमा सरसफाई

धनुषाको दुहबी गोबराही चोकमा चार वर्षपछि लाग्यो हाट, स्थानीय हर्षित

मधेशका मुख्यमन्त्री सरोज यादवले चौथो पटक पाए विश्वासको मत

श्री जनता नमूना मावि गिद्धा बेलापट्टीमा विद्यार्थी भर्ना अभियान सुरु

मधेशका मुख्यमन्त्री सरोज यादव आज विश्वासको मत लिने, असफल पार्ने जनमतको रणनीतिक

नेपाल एसिसी प्रिमियर कपको सेमिफाइनलमा प्रवेश

उदाउँदो सूर्यलाई अर्घ्य दिँदै चैती छठ सम्पन्न

धनुषा : बुवाको अन्तिम सँस्कारमा आएकी महिलाको गहुँ खेतमा हत्या, प्रहरीको डग टोली घरसम्म गएपछि…..