2023-12-08

Close

२५ फागुन, जनकपुरधाम । प्रदेश २ सरकारले आफ्नै रेडियो सञ्चालन गर्ने भएको छ । प्रदेशका आठवटै जिल्लामा सुनिने गरी प्रादेशिक रेडियो सञ्चालन प्रक्रिया सुरु गरिएको हो ।

शुक्रबार बसेको प्रदेश मन्त्रिपरिषदको बैठकले रेडियो सञ्चालन गर्नका लागि स्वीकृति दिइसकेको प्रदेशका आन्तरिक मामिला तथा कानून मन्त्री ज्ञानेन्द्र यादवले जानकारी दिए । ‘मन्त्रिपरिषदको बैठकले स्वीकृति दिएपछि बाँकी प्रक्रिया सुरु गर्न लागेका छौं,’ प्रदेशका आन्तरिक मामिला तथा कानूनमन्त्री यादवले भने, ‘यही आर्थिक वर्षभित्र रेडियो सञ्चालन हुनेगरी कामलाई अगाडि बढाएका छौं ।’

तत्काल १ हजार वाट क्षमताको रेडियो मधेस भवनभित्र स्थापना गरिनेछ । रेडियो एउटा नै भए पनि २ ठाउँमा रेडियोको टावर स्थापना गरी रेडियोसँग लिंक जोडिनेछ ।

प्रदेश सरकारले रेडियोको एक वटा टावर पूर्वको राजविराज र अर्काे टावर पश्चिमको वीरगञ्जमा बनाउने मन्त्री यादवले बताए । ‘रेडियोको लिंक टावरसँग जोडेर प्रदेशको सबैतिर प्रसारण गराउने हाम्रो सोच छ,’ उनले भने, ‘यस विषयमा प्राविधिकहरूसँग पनि छलफल भइरहेको छ ।’

प्रादेशिक छापाखाना पनि खोलिने

यसैबीच, प्रदेश २ सरकारले आफ्नै छापाखाना समेत सञ्चालनमा ल्याउने भएको छ । यसका निम्ति पनि शुक्रबारको मन्त्रिपरिषद् बैठकले स्वीकृति दिइसकेको छ । आन्तरिक मामिला तथा कानून मन्त्री यादवले छापाखाना मधेस भवनभित्रै स्थापना गरिने बताए ।

मन्त्री यादवका अनुसार, चालू आर्थिक वर्षभित्र छापाखानाको मेसिनसमेत ल्याइसकिनेछ । छापाखानामा प्रदेश सरकारले आफ्ना डकुमेन्टहरु छाप्नेछन् ।

सुरुमा डकुमेन्ट छाप्ने काम गरिए पनि निकट भविष्यमै प्रादेशक पत्रिका पनि प्रकाशन सुरु गर्ने लक्ष्य प्रदेश सरकारको छ । छापाखाना आइसकेपछि हामी यस विषयमा छलफल गर्छौं,’ मन्त्री यादवले भने, ‘हाम्रो उद्देश्य ब्रोडसिट पत्रिका प्रकाशन गर्नेसमेत हो ।’

रेडियो तथा छापाखाना सञ्चालन गर्न नीति तथा कार्यक्रममार्फत बजेट छुट्याइएको मन्त्री यादवले जानकारी दिए ।

सम्बन्धित

ताजा

लोकप्रिय

हाम्रो बारेमा

ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा कहिल्यै कसैसँग सम्झौता गर्ने छैन । अनलाइन पत्रिकाको रुपमा निरन्तर सुचना प्रवाहमा जागरुक रहन्छ । अप्पन जनकपुर मिडिया नेटवर्क प्रा.लि. द्वारा संचालित छ.
कम्पनि दर्ता न: २७४३५८/०७८/०७९
सूचना बिभागको दर्ता नं. २९६५/०७८/०७९
प्रेस काउन्सिल नेपाल सूचीकरण दर्ता नं.२२१/०७८/०७९

हाम्रो टिम

सम्पादक :- वि.पि.यादव
समाचार संयोजक :- विपिन कुमार यादव
वरिष्ठ सल्लाहकार :- श्रवण देब
वरिष्ठ सल्लाहकार :- सन्तोष कुमार यादव
संवाददाताहरु :
बद्री प्रसाद यादव (जनकपुर)
नरेश चन्द्र बरबरिया (सिरहा)
श्याम गुप्ता (बारा)
दिपेश कुमार साह (रौतहट)
कृष्ण यादव (बिरगंज)
अजय मिश्र (कपिलवस्तु)

सम्पर्क

अप्पन जनकपुर मिडिया नेटवर्क प्रा.लि.
जनकपुरधाम २ धनुषा,नेपाल
सम्पर्क नम्बर :- 9804825801, 9844005081
ईमेल :- [email protected],
[email protected]
अप्पन जनकपुर मिडिया नेटवर्क प्रा.लि. द्वारा संचालित हुनेछ

Copyright © 2018-2023 अपन जनकपुर

This will close in 20 seconds