2024-04-26
Close
2024-04-26
विपिन कुमार यादव,। सिरहाका १७ स्थानीय तहमध्ये केहिबाहेक अधिकांशले कोरोना भाइरस नियन्त्रणमा गरेको खर्च विवरण सार्वजनिक गरिसकेको छ ।
प्रमुख जिल्ला अधिकारी नेतृत्वको कोभिड १९ नियन्त्रण समितिले सिरहाका सबै स्थानीय तहलाई कोरोना नियन्त्रणमा गरेको खर्च विवरण सार्वजनिक गर्न ताकेता गरेपछि विभिन्न स्थानीय तहले विवरण सार्वजनिक गरेको हो ।
तर, सार्वजनिक गरिएको खर्च विवरण हेर्दा सबैजसो स्थानीय तहमा व्यापक अनियमितता भएको देखिएको छ । मिर्चैया नगरपालिकाले १ करोड ७२ लाख ८१ हजार ७७ रुपैयाँको खर्च विवरण बुझायो ।
नगरपालिकाले बुझाएको विवरणमा केहि अनावश्यक खर्च देखाइएको भन्दै पारदर्शीताको माग उठेको छ । कोरोनाको नाममा नगरपालिकाले अनावश्यक खर्च देखाएर अनियमितता छर्लङ गरेको भन्दै हरहिसाब पूर्ण पारदर्शी हुनुपर्ने जसपाका युवा नेता रामेश्वर यादव बताउँछन् ।
सार्वजनिक विवरण देख्दा अनियमितता प्रष्ट देखिएको भन्दै उनले सम्बन्धित निकायले छानविन गर्नुपर्ने माग गरे । ‘स्वास्थ्यकर्मीको भत्ता त ठिकै छ,’ उनले भने, ‘तर कर्मचारीलाई मनमौजी तरिकाले बाँडिएको छ, यो ऐन विपरीत हो, यसको छानविन हुनुपर्छ ।’
उनले नगरपालिकाले अनियमितता लुकाउन एकमुष्ट विवरण बुझाएपनि शिर्षकसहित विवरण सार्वजनिक नगरेको भन्दै शीघ्र सार्वजनिक गर्न माग गरे । पारदर्शीता र निगरानी सबैको अधिकार रहेको भन्दै उनले यसको लागि सबैलाई खुलेर बोल्न अपिलसमेत गरेका छन् ।
This will close in 20 seconds
