2020-10-23

Close

विपिन कुमार यादव,जनकपुरधाम । गुण्डा शैलीमा टुडेखोज डटकमका सम्पाद सन्तोष यादबलाई कुट्ने प्रहरीलाई कारबाही गर्न नेपाल पत्रकार महासंघ सिरहाले माग गरेको छ ।

महासंघ सिरहाका सभापति दिनेश्वर प्रसाद गुप्ताले आज विज्ञप्ती जारी गरेर घटनाको घोरभत्र्सना गर्दै दोषी प्रहरीलाई कारबाहीको माग गरेका हुन् । प्रहरीले पत्रकारलाई कुटपिट गरेर प्रेस स्वतन्त्रतामाथि ठाडो प्रहार गरेको महासंघले ठहर गरेको छ ।

‘कोरोना रोकथामसंगै लकडाउनलाई प्रभावकारी बनाउने तथा सूचना सम्प्रेशन गर्ने पत्रकारको कार्य पनि उत्तिकै महत्व हो’, विज्ञप्तीमा भनिएको छ, ‘यस्तो अवस्थामा जुनसुकै पक्षले प्रेस स्वतन्त्रतामाथी हमला गर्ने कार्य निन्दनीय छ ।’

विहिवार मृत्यू भएको एक महिलाको शव शुक्रवार राति जनकपुरको नव जीवन अस्पतालबाट प्रादेशिक अस्पताल लगिने क्रममा प्रहरीले बल प्रयोग गरेको थियो । सोही बेला फोटो खिच्न खोज्दा सम्पाद यादब र पत्रकार सिबेन्द्र रोहितालाई निर्घात कुटपिट गरेका थिए ।

ति महिलाको मृत्यू अस्पताल र डाक्टरको लापरबाहीले भएको उनको आफ्न्तको आरोप छ । सोही कारण बुझ्न अस्वीकार गर्दै छानविन गरी दोषीमाथि कारबाहीको माग गरेका थिए । तर प्रहरीले बल प्रयोग गरी घटनालाई दबाउन खोजिएको छ ।

सम्बन्धित

ताजा

लोकप्रिय

हाम्रो बारेमा

ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा कहिल्यै कसैसँग सम्झौता गर्ने छैन ।  अनलाइन पत्रिकाको रुपमा निरन्तर सुचना प्रवाहमा जागरुक रहन्छ ।

टिमहरु

चाडै आउदै छ

सम्पर्क

चाडै आउदै छ

Copyright © 2018-2020 अपन जनकपुर