2024-04-23
Close
2024-04-23
प्रमुख समाचार
विपिन कुमार यादव जनकपुरधाम । प्रधानमन्त्री केपी शर्मा ओलीले प्रतिनिधि सभा विघटन गरेको विरोधमा जनता समाजवादी पार्टी नेपालले धनुषाको जनकपुरमा आज प्रदर्शन गरेको छ।
जसपाले विरोधका कार्यक्रम निरन्तर जारी राखेको छ । जसपाको पुर्व निर्धारित विरोधका कार्यक्रम बमोजिम जनकपुरधाममा आज पनि विरोध प्रर्दशन गरिएको छ । विरोध प्रदर्शनमा प्रदेश २ का भौतीक पुर्वाधार विकास मन्त्री जितेन्द्र सोनल र प्रतिनिधीसभा सांसद प्रमोद साह लगायत दलका नेताहरू प्रदर्शनमा सहभागी छन्।
र्याली, नारावाजी गर्दै जसपा कार्यकर्ताहरू जनकचौक बाट सुरु गरि रामचौक,सोनारपट्टी,जानकी मन्दिर हुदै फेरि जनकचौक,शिवचौक,भानुचौक,कदमचौक हुदै जनकचौकमा कोणसभामा पुगेका छन्। शीर्ष नेताहरू प्रदेश २ का भौतीक पुर्वाधार विकास मन्त्री जितेन्द्र सोनाल,प्रतिनिधि सभा सदस्य प्रमोद साहले यो कोणसभालाई सम्बोधन गरेको थियोे ।
गत आइतबार प्रधानमन्त्री ओलीले प्रतिनिधि सभा भंग गरेका थिए। प्रदर्शनमा प्रदेश सांसद परमेश्वर साह, जनकपुरधाम उपमहानगरपालिकाका मेयर लाल किशोर साह र उपमेयर रिता झा सहित जिल्लाका नेताहरुका साथै युवा र विद्यार्थी नेताहरुको सहभागिता रहेको थियो ।
उक्त कदम असंवैधानिक भएको भन्दै जसपाले पुस ८ गतेदेखि नै प्रदर्शन गरिराखेको छ।
तस्बिरहरू:
This will close in 20 seconds
