जनकपुरधाम असोज २८ गते । लोकतान्त्रिक समाजवादी पार्टी नेपालले दशैंको मौका छोपी संगठन विस्तारको काममा लागेको छ । हालै जनता समाजवादी पार्टी नेपालबाट अलग भएर लोसपा गठन गर्नुभएका नेताहरु अहिले दशैंमा आआफ्नो गाउँ तथा क्षेत्रमा पुग्नु भएको छ ।

पार्टीका नेता तथा कार्यकर्ताहरुलाई भेटेर दशैंको शुभकामना अदान प्रदान गर्नुको साथै संगठन विस्तारको काम समेत गरिरहनु भएको छ । गाउँ तथा क्षेत्र पुग्नु भएका लोसपाका नेताहरुले सदस्यता वितरण गर्नुदेखि लिएर नव प्रवेशीहरुलाई पार्टीमा समेत भित्र्याइ रहेका छन् ।

लोसपाका केन्द्रीय कार्यकारिणी सदस्य एवं धनुषा निर्वाचन क्षेत्र २ का सांसद उमाशंकर अरगरिया पनि दशैंको मौका पारेर आफ्नो गृहजिल्ला धनुषा पुग्नु भएको छ । उहाँ आफ्नो गाउँ तथा क्षेत्रका कार्यकर्ता तथा नेताहरु संग भेटघाट गरी शुभकामना आदान प्रदान गर्नुको साथै पार्टी संगठन विस्तारको काम पनि गरिरहनु भएको छ ।

भर्खर पार्टी विभाजनको पीडा भोग्नु भएका नेता तथा कार्यकर्ताहरुलाई पार्टी विभाजनको यथार्थ जानकारी गराउँदै सांसद अरगरियाले अगामी दिनमा लोसपा कसरी अगाडि बढ्ने लगायतका विषयमा पनि छलफल गर्नुभएको छ ।

लोसपा प्रति जनताको आकर्षण बढेको छ, जसपाबाट अलग भएर नयाँ पार्टी बनाए पनि जनताको अपार समर्थन र झुकाब रहेको बताउनु भयो । यद्यपी अहिले लोसपाले जनताको मुद्दा लिएर अगाडि बढी रहेकोमा जनताले सन्तोष प्रकट गरेको उहाँले बताउनुभयो । जसपा सत्ताको राजनीतिमा लागि सकेको छ भने लोसपा मुद्दाको राजनीतिकमा कायम रहेको धारणाहरु आइरहेको उहाँले बताउनुभयो । उहाँले भन्नुभयो, जनताले लोसपालाई मधेशको मुद्दालाई लिएर अगाडि बढ्न सुझाव दिएको छ ।

सम्बन्धित

उपेन्द्रलाई राजीनामा दिन प्रधानमन्त्रीको निर्देशन

जनकपुर : सहकारीको ८० लाख रुपैयाँ लुट्ने २ युवक पक्राउ

मधेश प्रदेशमा एमालेको नेतृत्वमा नयाँ सरकार गठनका लागि भोलि दाबी पेश

मधेश सरकारबाट एमाले दिए राजीनामा

धनुषाको बडहडीबाट खैरो हिरोइनसहित दुई युवक पक्राउ

जनकपुरधाममा ‘युथ कार्निवल’ हुँदै, कमेडियन आर्दश मिश्रा पनि आउने

एसपी ढुंगेलको निर्देशन विपरीत महादेवपर्टी चौकीका असई साहले ठुलो मात्रामा दिए तस्करीको लाईन

धनुषाको जनकनन्दिनी गाउँपालिकामा विकास निर्माणको कामकाज सुरु