2024-04-26
Close
2024-04-26
लहान । सिरहा गोलबजार नगरपालिका ६ डोहटियाका एक दलित युवकलाई छुरा प्रहार गरी ज्यान लिएको र अर्का दलित युवकलाई घाईते बनाएको घटनामा संलग्न पाँच जना पक्राउ परेका छन् ।
पक्राउ पर्नेहरुमा स्थानीय २२ वर्षीय भुवनप्रसाद महतो, १९ वर्षीय श्रवणकुमार मण्डल, २० वर्षीय कालु भन्ने रोहन विश्वकर्मा, १८ वर्षीय सौकात खान र १९ वर्षीय धर्मेन्द्र यादव रहेको जिल्ला प्रहरी कार्यालय सिरहाका सूचना अधिकारी सुवास बुढाथोकीले जनकारी दिए ।
उनका अनुसार आरोपीमध्ये दुई जना गोलबजार र तीन जनालाई धनगढीमाई नगरपालिका जयपुरमा आफन्तको घरमा लुकेर बसेको अवस्थामा पक्राउ गरिएको हो । पक्राउ परेकाहरूलाई जिल्ला अदालतबाट पाँच दिनको म्याद लिएर थप अनुसन्धान तथा घटनामा संलग्न अन्य व्यक्तिहरूको खोजी कार्य थालेको प्रहरीले जानकारी दिएको छ ।
गत शनिबार बेलुका छुरा प्रहारबाट २६ वर्षीय रामकुमार सदायको मृत्यू भएको थियो भने घाईते युवकको उपचार जारी छ । घटनामा संलग्न दोषीलाई पक्राउ गर्नुपर्ने माग राखेर डोहटियाका दलित समुदाय गोलबजारमा दुई दिन राजमार्ग अवरुद्ध पारेका थिए ।
This will close in 20 seconds
