काठमाडौं,४ चैत । अन्तर व्यवस्थापिका संघ (आईपीयू) को १४४ औं सम्मेलनमा भाग लिन राष्ट्रिय सभाका अध्यक्ष गणेशप्रसाद तिमिल्सिना नेतृत्वको नौ सदस्यीय संसदीय प्रतिनिधिमण्डल इन्डोनेशिया प्रस्थान गरेको छ।

अन्तर व्यवस्थापिका संघ तथा इन्डोनेशिया संसदको आयोजनामा चैत्र ६ गते देखि १० गते सम्म बालीमा हुने सम्मेलनमा भाग लिन प्रस्थान गरेको अध्यक्ष तिमिल्सिना नेतृत्वको प्रतिनिधिमण्डल शुक्रबार बेलुका त्यसतर्फ प्रस्थान गरेका छन् ।

उक्त सम्मेलनमा अध्यक्ष तिमिल्सिनाले `शून्य उत्सर्जन प्राप्त गर्न : जलवायु परिवर्तन सम्बन्धी कार्यमा संसदको परिचालन ‘ (Getting to Zero: Mobilizing Parliaments to act on Climate Change) विषयमा नेपालको तर्फबाट बोल्ने कार्यक्रम रहेको छ।

त्यसैगरी सम्मेलनको विशेष सत्रमा नेपालमा कोभिड १९ विरुद्धको लडाइँमा नेपालको संसदले गरेका गतिविधिहरुका सम्बन्धमा समेत अध्यक्ष तिमिल्सिनाले संक्षिप्त जानकारी प्रस्तुत गर्ने कार्यतालिका रहेको छ।

सोही अवसरमा गभर्निङ काउन्सिलको २०९ औँ सत्रमा अध्यक्ष तिमिल्सिनाको नेतृत्वमा अनिता देवकोटा र भैरव सुन्दर श्रेष्ठले सहभागिता जनाउने छन् । उक्त अवसरमा Standing Committee on Peace and International Security, Standing Committee on Democracy and Human Rights, Standing Committee on Sustainable Development र Standing committee on United Nations Affairs शीर्षकहरूमा हुने विभिन्न छलफल कार्यक्रममा प्रतिनिधिमण्डलले सहभागिता जनाउने छ भने महिला संसद सदस्यहरुको बैठक र छलफलमा देवकोटा र युवा संसद सदस्यहरुको बैठकमा उमाशंकर अरगरियाले सहभागिता जनाउने छन् ।

त्यसैगरी सुरेन्द्र कुमार कार्कीले “Engaging for a Universal Ban on Nuclear Tests” विषयमा हुने छलफलमा नेपालको धारणा प्रस्तुत गर्ने छन् । उक्त सम्मेलनसँगै संचालन हुने Association of Secretaries General of Parliaments (ASGP) सम्मेलनमा संघीय संसदका महासचिव डा. भरतराज गौतम सहभागी हुनेछन् ।

अध्यक्ष नेतृत्वको प्रतिनिधि मण्डलमा राष्ट्रिय सभा सदस्य भैरव सुन्दर श्रेष्ठ,अनिता देवकोटा तथा प्रतिनिधि सभा सदस्य सुरेन्द्र कुमार कार्की र उमाशंकर अरगरिया सहभागी हुनेछन् । त्यसैगरी संघीय संसदका महासचिव डा. भरतराज गौतम, राष्ट्रिय सभा सचिव राजेन्द्र फुयाल, अध्यक्ष तिमिल्सिनाका प्रमुख स्वकीय सचिव गोविन्द अकेला र उपसचिव रेखा उपाध्याय भ्रमण टोलीमामा सहभागी हुनेछ । सम्मेलनमा सहभागी भएर प्रतिनिधिमण्डल चैत्र ११ गते शुक्रवार नेपाल फर्कने कार्यतालिका रहेको छ।

सम्बन्धित

शहिदनगर : नगरपालिकामा तालाबन्दी गर्न पुगेका वडाध्यक्ष पक्राउ

सशस्त्र प्रहरी बल नेपाल नं. ८ गण धनुषाले मनाए १७ औँ वार्षिकोत्सव

धनुषामा श्रीमतीको बन्चरो प्रहार गरि हत्या गर्ने श्रीमान र जेठाजु पक्राउ

तराई-मधेशमा तातो हावा, जनजीवन प्रभावित

तिनकौरिया : कानूनको उल्लंघन नगरी जनताको भावना अनुसार काम गर्ने प्रहरी वरिष्ठ सई खतिवडा

नेविसंघले शिक्षा गुणस्तरको माग गर्दै देशैभरका स्थानीय तहमा बुझाए ज्ञापन

पर्सा प्रहरीद्वारा पम्पम बेलडिङको गोदाममा छापा हानि भन्सार छलि गरि ल्याएको करोडौं अवैध लत्ताकपडा बरामद

मधेश सरकारमा नवनियुक्त ३ मन्त्री र १ राज्यमन्त्रीले लिए शपथ