2024-04-27
Close
2024-04-27
बिपिन यादव/जनकपुरधाम, असार १४ गते । धनुषाको इनर्वास्थित रहेको बिओपी इनर्वाका ईन्चार्ज एवम् ईन्सपेक्टर शम्भु कटुवाललाई मधेश प्रदेशका डिआईजीले खुलेर प्रशँसा गरेका छन् ।
इनर्वा बिओपीमा कार्यभार सम्हालेदेखि नै कार्य सम्पादनमा सक्रिय मानिएका ईन्सपेक्टर कटुवाललाई सशस्त्र प्रहरीका डिआईजी गणेश ठाडा मगरले उनको कार्य दक्षताको प्रशँसा गरेका हुन् ।
मंगलवार बिओपी इनर्वाको नयाँ भवनको उदघाटन गर्दै डिआईजी मगरले ईन्सपेक्टर कटुवालको लगनशिलताको प्रशँसा गर्दै सुरक्षा निकायमा यस्तो नेतृत्वको आवश्यकता रहेको बताए ।
बिओपी इनर्वामा ईन्स्पेक्टर कटुवालको आगमनपछि सरकारको लक्ष्य परिपूर्तिको लागि टेवा पुरयाउन सहयोग गरेको भन्दै प्रशँसा गरे । ईन्स्पेक्टर कटुवालको विशेष पहलमा बिओपी इनर्वाको नयाँ भवन बनेको हो ।
ईन्सपेक्टर कटुवालले नयाँ भवनको लागि विगत १५ महिनादेखि आफैँ खटेका थिए । सशस्त्र प्रहरीका जवानहरुलाई समेत सो भवन निर्माणको लागि खटाएर १५ महिनाको अन्तरालमा नयाँ भवन निर्माण गरी गृह प्रवेश समेत गरेका हुन् ।
बर्षौदेखि इनर्वा बोर्डरमा एक मात्र रेल्वे भवन हुँदा सुरक्षाको दृष्टि र भन्सार व्यवस्थापनको लागि समस्या हुँदै आएकोमा नयाँ भवन सुविधा सम्पन्न निर्माण गरिएको ईन्सपेक्टर कटुवालले बताए ।
उनका अनुसार, भवनमा चिस्यान, अन्न भण्डार, शौँचालय, किचेन, जवान बस्ने क्वार्टर समेत राखिएको छ । भारतबाट ल्याउने समान र भन्सार व्यवस्थापनको लागि नयाँ भवनले सहजता हुने ईन्सपेक्टर कटुवालले बताए । उनले भवन निर्माणको लागि सहयोग गर्ने सशस्त्र प्रहरीका जवान, अधिकारी, जनप्रतिनिधि, राजनीतिक दल समाजसेवी, सर्वसाधारणहरु प्रति आभार प्रकट गरे । सोही कार्यक्रममा सशस्त्र प्रहरी बल धनुषाका एसपी प्रकाश सुबेदीले समेत ईन्सपेक्टर कटुवालको प्रशँसा गरे । इनर्वा बिओपिमा बर्षौदेखि रहेको रेल्वे भवनमै गुजारा गरि नयाँ भवन बनाउन ईन्सपेक्टर कटुवाल सफल भएको भन्दै उनको प्रशँसा गरे । यसका साथै इनर्वा बोर्डरमा भारतबाट भन्सार छ्ली गरि ल्याउले समान बरामदको लागि निरन्तर कार्य सम्पादन दुरुस्त पारेको प्रतिवेदन उल्लेख गर्दै उनले निरन्तरता दिन आग्रह समेत गरे ।
This will close in 20 seconds
