2024-12-02
Close
2024-12-02
अप्पन जनकपुर
जनकपुरधाम । धनुषा र सिरहा जोड्ने देशकै लामो पुल भनिएको झोलुँगे पूलको उदघाटन गर्न कमला नदीमा भोलि शनिबार प्रधानमन्त्री पुष्पकमल दाहाल प्रचण्ड आउने भएको छ ।
प्रधानमन्त्री प्रचण्ड भोलि शनिबार दिउँसो १२ बजेसम्म जनकनन्दिनी गाउँपालिकाको वडा नम्बर ६ कठाल पुग्ने कार्यक्रम रहेको छ । प्रचण्डले विधिवत रुपमा उदघाटन गरेपछि पुल निर्वाध सँचालनमा आउने स्वयँमसेवक एवम् ईन्जिनीयर विनोद मण्डलले जानकारी दिए ।
प्रधानमन्त्री आउने भएपछि सो क्षेत्रमा सुरक्षा अवस्था कडा पारिएको हो । नेपाल भारतको सीमादेखि केही मात्र दुरीमा रहेको उदघाटनस्थललाई सुरक्षा चुस्त पारिएको माओवादीका नेताहरुले जनाएको हो ।
केही दुरीमा रहेको बहुप्रतिक्षित भाँसिएको कमला पूलमा समेत लैजाने कार्यक्रम रहेको छ । कमला पूलमा प्रत्यक्ष रुपमा नीरिक्षण गरी कमला पूल सँचालनको बाटो खोज्ने बुझिएको हो । यद्यपी, कमला पूलको पुनः निर्माण धमाधम भईरहेको छ ।
करिब २८ करोडको लगानीमा निर्माण भएको झोलुँगे पूल १५०१ मिटर लामो बनेको हो । सपना उमा थानी जेभी कन्सट्रक्सन कम्पनीको ठेक्कामा निर्माण सम्पन्न भएको कमला झोलुँगे पूल समय अगावै सँचालनमा आएको हो । असारसम्म सँचालन हुने भनिएपनि माघ महिनादेखि नै सँचालनमा ल्याएको हो ।
झोलुँगे पूलमा एकै पटक २५०० जना मानिस चढन सक्ने क्षमताको हुनेछ । १० वटा पिल्लर रहेको झोलुँगे पुल सिरहा तर्फबाट सिरहा नगरपालिका वडा नम्बर १३ मल्हनीयाँ गम्हरियासम्म रहेको छ ।
