2024-05-04
Close
2024-05-04
अप्पन जनकपुर
जनकपुरधाम । नेपाल रेल कम्पनी लिमिटेडले कुर्था-जनकपुरधाम-जयनगर रुटमा चल्ने रेलको नयाँ समय तालिका सार्वजनिक गरेको छ ।
२०७८ चैत २० गतेबाट सञ्चालनमा आएको रेलले दैनिक दुई पटक आवत जावत गर्दथ्यो । तर रेल कम्पनीले जारी गरेको सूचना अनुसार बैशाख १ बाट कुर्था-जनकपुरधाम-जयनगर रुटमा रेल दैनिक चार पटक आवत जावत गर्छ ।
नेपाल रेल कम्पनीका प्रबन्ध सञ्चालक निरञ्चन झाद्वारा हस्ताक्षरित सूचनामा बिहान ७ः१५ बजे कुर्थाबाट छुटेर रेल बिहान ९ः१५ बजे जयनगर पुग्ने छ । जयनगरबाट बिहान ९ः३० बजे छुटेर बिहान ११ः३० बजे कुर्था फर्किनेछ ।
त्यस्तै कुर्थाबाट फेरि मध्यान्ह २ः४५ बजे छुटेर ४ः४५ मा जनयनगर पुग्छ भने जयनगरबाट साँझ ५ बजे छुटेर साँझ ७ बजे कुर्था फर्किनेछ ।
कुर्थादेखि जनकपुरधाम जयनगरसम्मको ३५ किलोमिटरमा यात्रीसहित दिनको चारपटक रेल चल्ने भएको उनले बताए । रेलको भाडा दर यस अघि नै निर्धारण भइसकेको छ ।
This will close in 20 seconds
