जनकपुरधाम । नेपाल प्रहरीको काठमाडौं उपत्यका अपराध अनुसन्धान कार्यालयले विभिन्न व्यक्तिहरुको फेसबुक ह्याक गरी रकम ठगी गर्ने गिरोहलाई नियन्त्रणमा लिएको छ ।

कार्यालयका प्रवक्ता प्रहरी उपरीक्षक रवीन्द्र रेग्मीका अनुसार पीडितहरुले दिएको उजुरीको आधारमा अनुसन्धान गर्दै जाँदा उक्त घटनामा संलग्न ५ जनाको गिरोहलाई काठमाडौंको बसपार्कस्थित रेसुंगा बुटवल गेष्ट हाउसबाट नियन्त्रणमा लिइएको हो ।

प्रहरीले नियन्त्रण लिएकाहरुमा बाराको जीतपुर सिमरा उपमहानगरपालिका वडा नं. १७ रामनगर घर भई हाल काठमाडौं नयाँ बसपार्क बस्ने सिमान्त लामा, अमन्त लामा, अनुप श्रेष्ठ र रोहन तामाङ तथा कास्कीको पोखरा महानगरपालिका वडा नं. १० घर भई हाल काठमाडौं नयाँ बसपार्क नै बस्ने सुब्बु भन्ने शुभेक्षा गुरुङ रहेका छन् ।

प्रहरीका अनुसार सिमान्त विभिन्न फेसबुक ह्याक गर्थे । फेसबुक ह्याक भइसकेपछि विभिन्न बहाना बनाएर पैसा माग्ने काम भने अमन्तले गर्ने गरेका थिए । त्यस्तै अमन्तले मागेको पैसा बालेटबाट झिक्ने काम भने अनुप र शुभेक्षाले गर्ने र रोहनले सिमकार्ड उपलब्ध गराउने गरेको प्रहरी उपरीक्षक रेग्मीले बताए ।

प्रहरीका अनुसार अहिलेसम्म २२ जना पीडितहरु सम्पर्कमा आएका छन् । गिरोहले हालसम्म १४ लाख ५८ हजार रुपैयाँ ठगी गरेको विवरण भेटिएको कार्यालयले जनाएको छ ।

सम्बन्धित

महोत्तरीबाट ५० केजी गाँजासहित एक जना भारतीय नागरिक पक्राउ

धनुषामा पेस्तोल देखाएर ८० लाख रुपैयाँ लुटियो

शहिदनगर : नगरपालिकाको सम्पत्ति तोडफोड आरोपमा पक्राउ परेका वडाध्यक्ष निराला धरौटीमा रिहा

सिरहामा केन्द्रको प्रहरी टोलीको रेड : एसपी आचार्यको बिचौलिया भनेर परिचित नरेश नियन्त्रणमा

धनुषामा नातिनीको अन्तरजातीय विवाह गराएको भन्दै वृद्ध दम्पत्तीमाथि कुटपिट

झापामा छात्रामाथि गोली हान्नेको खोजी तीव्र, भारततर्फको नाका सिल

रौतहटमा सशस्त्र प्रहरीद्वारा १५ लाख बराबरको अवैध सामान बरामद

जनकपुरको रामजानकी हस्पिटलमा एम्बुलेन्सदेखि रिक्सा चालकसम्म दलाल, एक विरामी लगेमा ३ हजार कमिशन