काठमाडौं । प्रधानमन्त्री पुष्पकमल दाहाल ‘प्रचण्ड’को सुशासन सल्लाहकार हुँ भन्दै ठगी गर्ने दुई जनालाई प्रहरीले काठमाडौंको कोटेश्वरबाट पक्राउ गरेको छ ।

काठमाडौं उपत्यका अपराध अनुसन्धान कार्यालयको टोलीबाट पक्राउ पर्नेमा काठमाडौंको नागर्जुन बस्ने ४४ वर्षीय राजेन्द्रप्रसाद खनाल र २३ वर्षीय विशाख खनाल रहेका छन् ।

उनीहरूले प्रधानमन्त्रीको सल्लाहकार भएको र प्रमुख नेताहरूसँग चिनजान रहेकाले विभिन्न कम्पनी तथा व्यवसायमा सहभागी गराउने भनी झुटा आश्वासन दिएर ठगी गरेका खुल्न आएको छ । पीडितहरूलाई विभिन्न कागजातमा सहीछाप गराई उनीहरूले ४५ लाख बढी रकम ठगी गरेको प्रहरीले जनाएको छ ।

यसरी रकम ठगी गरी उनीहरूले पीडितको ना ४ च ८६७० नंको स्कारपियो गाडीसमेत लिएर फरार भएका काठमाडौं उपत्यका अपराध अनुसन्धान कार्यालयका प्रहरी उपरीक्षक रवीन्द्र रेग्मीले जानकारी दिए ।

उनीहरूविरुद्ध इलाका प्रहरी कार्यालय दमक, झापामा ठगीसम्बन्धी कसुरमा मुद्दा दर्ता भई जिल्ला अदालत भद्रपुर झापाबाट पक्राउ पुर्जी जारी भएकाले जिल्ला प्रहरीको अनुरोधमा आरोपीहरूलाई पक्राउ गरिएको उनले बताए ।

उनीहरूलाई थप कारबाहीका लागि इलाका प्रहरी कार्यालय दमक, झापा पठाइएको छ ।

सम्बन्धित

विनयले श्रीमति रुबिनालाई अन्तिम मेसेज गरेका थिए– ‘यीनीहरु मलाई जबरदस्ती रोकेको छ, तर म आउँछु नै’

रौतहटमा गाँजासहित श्रीमान-श्रीमती पक्राउ

महोत्तरीको मटिहानीमा आगलागी पीडितलाई सशस्त्र प्रहरी महिला संघद्धारा राहत वितरण

कांग्रेस नेता मोहम्मद अफताब आलमसहित ४ जनालाई जन्मकैदको सजाय

मधेशका डीआईजीको कमाउधन्दा : तस्करीको लाइन चलाउन सीमा र राजमार्ग चौकी इन्चार्ज फेरिए

पत्रकार विनय यादवको हत्या योजनाको सिसिटीभी भिडियो फेला, धनुषा प्रहरी सख्त

ट्राफिक र यातायातको कर्मचारीको सेटिङ्गमा १५ हजारमै पाइन्छ ड्राइभिङ्ग लाईसेन्स

शहिदनगर : नगरपालिकामा तालाबन्दी गर्न पुगेका वडाध्यक्ष पक्राउ