2024-05-02
Close
2024-05-02
जनकपुरधाम । जनकपुरधामको प्रसिद्ध जानकी मन्दिरको विवाहमण्डप (मडवा) मा अश्लिल टिकटोक भिडियो बनाउने टिकटोकियालाई धनुषा प्रहरीले पक्राउ गरेको छ ।
केही दिन अगाडी जानकी मन्दिर लगत्तै रहेको मडवामा दुई टिकटोकिया युवा युवतिले अश्लिल हर्कत गरीरहेको भिडियो टिकटोकमा अपलोड भएपछि पक्राउ गरिएको हो । धनुषा प्रहरीलाई स्थानीय मन्दिर प्रशासन, युवाहरुले समेत समाजिक सँजालबाटै दबाब दिएपछि उनलाई पक्राउ गरिएको हो ।
समाजिक सञ्जालमा सो अश्लिल हर्कतको भिडियो टिकटोकबाट भाईरल बनेपछि टिकटोकिया अनिरुद्ध यादव नामक युवकलाई पक्राउ गरिएको हो । धनुषा प्रहरीले ती युवतिलाई समेत पक्राउ गरिएको बारे जानकारी दिएका छैनन् ।
धार्मिक स्थल रहेको विवाहमण्ड प्रवेशसहित मोबाईल, क्यामेरामा प्रतिबन्ध नलगाउनुको नतिजा जनकपुरधामवासीले भोगिरहेका छन् । मडवामा विभिन्न समयमा यस्ता अश्लिल हर्कतका भिडियोहरु सार्वजनिक हुँदै आएको छ ।
जिल्ला प्रहरी कार्यालय धनुषाले पक्राउ गरिएका टिकटोकिया यादवलाई केही बेरमा पत्रकार सम्मेलन गरी सार्वजनिक गर्ने भएको छ ।
This will close in 20 seconds
