2024-09-10
Close
2024-09-10
अप्पन जनकपुर
जनकपुरधाम । समाजवादी युवा संघ नेपालले सर्लाहीको बरहथवा प्रहरीको गोली लागि मृत्यु भएको घटनामा दोषीलाई कार्वाही नगरे सडक आन्दोलनमा उतिर्ने चेतावनी दिएको छ ।
संघले शनिबार विज्ञप्ति जारी गर्दै यस्तो बताएको हो । संघका केन्द्रिय अध्यक्ष संजीव कुमार यादवको हस्ताक्षारित विज्ञप्तिमा नेपाल प्रहरीले मधेशमा सामान्य÷सामान्य विषयमा समेत संवेदनशीलता नअपनाएको आरोप लगाएका हुन् ।
उनले मधेशमा सामान्य तरिकाबाट मिलाउने घटना समेत प्रहरीले गैरजिम्मेवारी र बदनीयतपुर्वक गोली चलाउने गरेको बताए । जसकारण अनाकहमै मधेशका जनताले ज्यान गुमाउने परेको बताए ।
सर्लाहीको बहरथवामा हिजो शुक्रबार अस्पतालको विषय लिएर बरहथवा नगरपालिकाले सर्वदलीय बैठक डाकेको थियो । तर बरहथवा नगरपालिकाका मेयर कल्पना कुमारी कटुवालले सर्वदलीय बैठकमा एकलौटी गरेका भन्दैँ अन्य दलका नेताहरुले शान्तिपूर्ण प्रदर्शन गरेको थियो ।
सो प्रदर्शन सामान्य भइसकेको अवस्थामा पनि प्रहरीले सर्लाही बरहथवा नगरपालिका वडा ६ निवासी जयशंकर साह मोटरसाइकलबाट घर फर्किने क्रममा प्रहरीले उनको अनुहारमा गोली हानेको थियो । गोली लागेको साहको घटनास्थलमै मृत्यु भएको स्थानीयले बताएका थिए ।
संघका यादवले उनलाई शहिद घोषणा गरी परिवारलाई तत्कालै राहत उपलब्ध गराउनु पर्ने माग राखेका छन् । उनले साह एमबीबीएस अध्ययनरत रहेकोले मधेशले एउटा होनहार युवा गुमाएको समेत बताए । घटनामा संग्लन सर्लाही जिल्लाका एसपी, गोली हान्ने आदेश दिने प्रहरी कमाण्डर र बरहथवा नगरपालिका मेयर कल्पना कटुवाललाई कार्वाहीको माग समेत गरेको छ । यस्तो नगरे समाजवादी संघ नेपाल प्रहरी र बरहथवा नगरपालिकाको विरुद्ध सडक आन्दोलन गर्ने समेत बताएका हुन् ।
