2024-04-19
Close
2024-04-19
प्रमुख समाचार
विपिन कुमार यादव ,
जनकपुरधाम,३मंसिर । राष्ट्रिय जनता पार्टी (राजपा) नेपालको प्रथम जनकनन्दनी गाउँपालिका अधिवेशन राजपा धनुषा जिल्ला सचीव मनोज कुमार साहको अध्यक्षतामा नगर अधिवेशन सम्पन्न भएको छ ।
सम्पन्न अधिवेशनबाट नगर अध्यक्षमा नन्द किशोर मण्डल अनुमोदित भएका छन् । पछिल्लो समय निरन्तर जनसम्पर्कमा खटेका मण्डल सर्वसम्मत रुपमा गठिन २८ सदस्यीय गाउँपालिका समितिको अध्यक्षमा चयन भएका हुन् ।
उनी संगठनको लागि सक्रिय भएर काम गर्दै आएका छन् । यस क्षेत्रमा संगठन विस्तार तथा पार्टीको लागि अहम भूमिका निभाउँदै आएका मण्डल नगर अध्यक्षको जिम्मेवारी पाएपछि अब काँधमा थप जिम्मेवारी थपिएको बताए । जिम्मेवारी दिएकोप्रति उनले सबैलाई धन्यवादसमेत ज्ञापन गरे । उनले प्राप्त भएको जिम्मेवारी पूरा गर्न कुनै कसर बाँकी नराख्ने र झन सशक्त भएर काम गर्ने प्रतिवद्धता जनाए । यसअघि यसक्षेत्रमा राजपा संगठनात्मक रुपमा त्यति मजबुत थिएन । तर, पछिल्लो समय विभिन्न पार्टी परित्याग गरी राजपामा प्रवेश हुनेको क्रम बढ्दै गएको छ ।
राजपा नेपालका जिल्ला सचीव मनोज कुमार साहले जनसम्पर्क तथा विकास निर्माणका काममा चाँसो बढाएपछि राजपा प्रति जन आकर्षण बढ्दै गएको देखिएको हो । युवा नेता साहको एक टिम छ, जो निरन्तर जनसम्पर्कमा हुन्छन् ।
This will close in 20 seconds
