काठमाडौ ,५ मंसिर। मन्त्रिपरिषद पुनर्गठनसँगै बहिर्गमनमा परेका धेरै मन्त्रीहरु नवनियुक्त मन्त्रीहरुलाई स्वागत गर्न आफैं मन्त्रालयमै पुगे ।

असल राजनीतिक संस्कार देखाउँदै उनीहरुले एकअर्कालाई अंकमाल गरे र सफल कार्यकालको शुभकामना दिए । निवर्तमान मन्त्रीहरु गोकर्ण विष्ट, चक्रपाणि खनाल, रघुवीर महासेठ र थममाया थापाले आआफूले सम्हालेका मन्त्रालयका नवनियुक्त मन्त्रीहरुलाई स्वागत गरे । आगामी कार्यकालको शुभकामना दिए ।

तर संघीय मामिला तथा सामान्य प्रशासन र उद्योग, वाणिज्य तथा आपूर्ति मन्त्रालयको दृश्य भने फरक रह्यो । दुबै मन्त्रालयका निवर्तमान मन्त्रीहरु देखिएनन् । नवनियुक्त मन्त्रीहरुलाई कर्मचारीले स्वागत गरे ।

नयाँ मन्त्रीको स्वागतमा देखिनु भएन नि भन्ने अनलाइखबरको प्रश्नमा निवर्तमान सामान्य प्रशासन मन्त्री लालबाबु पण्डितले डेरा खोज्न व्यस्त भएकाले शुभकामना दिन जान नपाएको बताए । उनले भने, ‘अरुको त आफ्नै घर होला, मैले त डेरा खोज्नुपर्‍यो । क्वार्टरको सामान पनि प्याक गर्दैछु । त्यही भएर जान सकिनँ ।’

मन्त्री पद गुम्दा असन्तुष्ट हुनु भएको हो कि भन्ने प्रश्नमा उनले भने, ‘असन्तुष्ट हुनुको के अर्थ छ र ?’

उनले नवनियुक्त सामान्य प्रशासनमन्त्री हृदयश त्रिपाठीलाई राम्रोसँग काम गर्न र सफल हुन शुभकामना दिए ।

सम्बन्धित

सशस्त्र प्रहरी बल धनुषाको १७ औं वार्षिकोत्सवमा जानकी मन्दिरमा सरसफाई

धनुषाको दुहबी गोबराही चोकमा चार वर्षपछि लाग्यो हाट, स्थानीय हर्षित

मधेशका मुख्यमन्त्री सरोज यादवले चौथो पटक पाए विश्वासको मत

श्री जनता नमूना मावि गिद्धा बेलापट्टीमा विद्यार्थी भर्ना अभियान सुरु

मधेशका मुख्यमन्त्री सरोज यादव आज विश्वासको मत लिने, असफल पार्ने जनमतको रणनीतिक

नेपाल एसिसी प्रिमियर कपको सेमिफाइनलमा प्रवेश

उदाउँदो सूर्यलाई अर्घ्य दिँदै चैती छठ सम्पन्न

धनुषा : बुवाको अन्तिम सँस्कारमा आएकी महिलाको गहुँ खेतमा हत्या, प्रहरीको डग टोली घरसम्म गएपछि…..