2024-04-20
Close
2024-04-20
विपिन कुमार यादव, अप्पन जनकपुर : पछिल्लो समय मधेसमा भएको दलितहरुको हत्याबारे अध्ययन गर्न प्रतिनिधिसभा भित्रको कानून, न्याय तथा मानव अधिकार समितिले स्थलगत अध्ययनका लागि साँसदहरुको टोली गठन गरेको छ ।
नेकपाका साँसद शेर बहादुर तामाङको संयोजकत्वमा ६ सदस्य अध्ययन टोली गठन गरिएको छ । जनता समाजवादी पार्टीका साँसद उमाशंकर अरगरिया, नेपाली काँग्रेसका पद्म नारायण चौधरी र मिन बहादुर विश्वकर्मा, नेकपाका लाल बहादुर थापा र समीमा हुँसैन अध्ययन टोलीका सदस्य छन् । यस्तै शाखा अधिकृत मेघराज अर्याललाई समेत राखिएको छ ।
उक्त टोलीले ईलाका प्रहरी कार्यालय सबैला (धनुषा)को हिरासतमा मृत्यु भएका शम्भु सदा, ईलाका प्रहरी कार्यालय गरुडा (रौतहट)को हिरासतमा प्रहरीको यातनाबाट मृत्यु भएका विजय राम र रौतहटमै हत्या भएका निरञ्जन रामको परिवारलाई भेटेर घटनाको अध्ययन गर्ने बताइएको छ ।
असोज १३ मा सो टोली शम्भु सदाको पीडित परिवारसँग छलफल गर्नेछ । यस्तै नागरिक आन्दोलन तथा अभियन्ता, प्रमुख जिल्ला अधिकारी, सुरक्षा निकायका अधिकारीहरु र जिल्ला न्याधिवक्तासँग समेत छलफल गर्नेछ ।
यस्तै असोज १४ मा रौतहटको विजय राम र निरञ्जन रामको पीडित परिवार, नागरिक आन्दोलत÷अभियन्ता, प्रमुख जिल्ला अधिकारी, सुरक्षा अधिकारी र जिल्ला न्यायाधिवक्तासँग छलफल गर्ने कार्यक्रम तय भएको छ ।
उनीहरुको हत्याबारे यर्थात अध्ययन पश्चात प्रतिवेदन कानून, न्याय तथा मानव अधिकार समितिलाई बुझाउने टोलीका सदस्य तथा साँसद उमाशंकर अरगरियाले जानकारी दिए । उनका अनुसार घटनामा संलग्न जोकोही अपराधी भएपनि उनीहरुमाथि कारबाही हुनुपर्छ ।
This will close in 20 seconds
