2021-04-21

Close

जनकपुरधाम : महोत्तरीको भंगहा नगरपालिका ८ धरमपुरकी सात दलित बालिका- किशोरी बेपत्ता भएकी छन् ।

मंगलबार घाँस काट्न गएकी ५ बालिका र २ किशोरी बेपत्ता भएकी हुन् । भंगहाका मेयर संजिव साहका अनुसार ११ वर्षीया अर्चना पासवान, १२ वर्षीया सिमा पासवान, १२ वर्षीया रञ्जना पासवान, १३ वर्षीया ज्योती पासवान, १३ वर्षीया रिया पासवान, १७ वर्षीया नगीना पासवान र २० वर्षीया अस्मिता पासवान बेपत्ता भएकी छन् ।

मंगलबार करिव ११ बजे उनीहरु एकसाथ घांस काट्न खेततीर लागेकी थिइन् । तर अहिलेसम्म उनीहरु नफर्केकी मेयर साहले जानकारी दिए । उनले उनीहरु बेपत्ता भएपछि धरमपुरमा हलचल मचेको छ । रातभर कोही सुत्न पाएनन् । सबै खोजीमा लागेका छन् ।

यता, महोत्तरीका प्रहरी उपरीक्षक दिनेश आचार्यले थाहा पाएलगत्तै उनीहरुलाई खोज्न प्रहरी परिचालन गरिएको जानकारी दिए । उनले एकैपटक सात बालिका- किशोरी बेपत्ता भएपछि आश्चर्य लागेको भन्दै आज आफै घटनास्थल जान लागेको बताए ।

सम्बन्धित

ताजा

लोकप्रिय

हाम्रो बारेमा

ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा कहिल्यै कसैसँग सम्झौता गर्ने छैन ।  अनलाइन पत्रिकाको रुपमा निरन्तर सुचना प्रवाहमा जागरुक रहन्छ ।

टिमहरु

चाडै आउदै छ

सम्पर्क

चाडै आउदै छ

Copyright © 2018-2021 अपन जनकपुर