2024-04-26
Close
2024-04-26
अप्पन जनकपुर
दिपेश कुमार साह/रौतहट । तराई मधेसका जिल्ला रौतहट बारा पार्सा सर्लाही धनुषा सप्तरी महोत्तरी लागएत सोमबार देखि चिसो ह्वात्तै बढ्न थालेको छ। बिहानको बाक्लो हुस्सु र शीतलहरका कारण विधार्थी, बालबालिका र वृद्धवृद्धाको जनजीवन कष्टकर बन्न थालेको छ।कुहिरोसँगै चल्ने चिसो हावाले बिहान स्थानीय जिल्लावासी घरबाहिर निस्कन सकेका छैनन् ।वृद्धवृद्धा तथा बालबालिका सडकमा देखिँदैनन् ।बिहानै खुल्ने पसल र बजार पनि ढिलो गरी खुलिरहेका छन् । साँझपख पनि चिसो झनै बढ्न थालेपछि बजार सम्साँझै सुनसान हुन थालेका छन् ।यद्यपि, न्यानो कपडाका पसलमा ग्राहकको भीड बढेको छ भने सडकपेटीमा कपडा बढेको देखिन्छ । सडकपेटीमा सस्तो लुगा पाउने गरेकाले ग्राहकको भीड लाग्न थालेको देखिन्छ। उनका अनुसार स्थानीयले न्यानो लुगा जोहो गर्न थालेका छन् ।कठ्यांग्रिँदो चिसोसँगै बाक्लो हुस्सु लाग्दा सवारी साधनको आवागमनमा असर परेको हो । बाक्लो हुस्सुले गर्दा बिहान ११ मिटरभन्दा पर देख्न सकिँदैन, सवारी साधन कम गतिमा बत्ती बालेर गुड्न थालेका छन् । हुस्सुले दुर्घटनाको जोखिम बढेको सवारी चालक बताउँछन् ।चिसोकै कारण बिरामीसमेत बढेका छन् भने चिसो कै कारण अहिलेसम्म रौतहट बारा पर्सा सर्लाही धनुषा सप्तरी महोत्तरी र तराई मधेसमा र रौतहटको पेटभार्वामा दुइओटा बालकको ज्यान गइसकेको छ।चिसोसँगै दम, निमोनिया, रुघाखोकी, ज्वरोलगायत रोगका बिरामी बढेका हुन् । एकाएक बढेको चिसोसँगै बिरामीको संख्या ह्वात्तै बढेको कटहरिया स्वास्थ्य चौकीका इन्चार्ज सन्तोष कुमार यादवले बताए । बालबालिका, वृद्धवृद्धा, मुटु, मिर्गौला, मधुमेह तथा अन्य दीर्घरोगी चिसोले थप जोखिममा भएकाले यो मौसममा उनीहरूले विशेष ख्याल पुर्याउनुपर्ने चिकित्सकको सुझाव छ ।
This will close in 20 seconds
