विपिन कुमार यादव,जनकपुरधाम, १५ फाल्गुन । धनुषाको विदेह नगरपालिकामा समाजवादी पार्टीले कार्यालय संचालनमा ल्याएको छ । विसु अभियान अन्तर्गत समाजवादी पार्टीले कार्यालयको स्थापना गरेको हो।

बिहिवार विदेह नगरपालिका वडा नं.७ लबटोली टोलमा नगर पार्टी कार्यालयको उद्घाटन विसु अभियानका धनुषा संयोजक तथा सोही क्षेत्रबाट निर्वाचित प्रतिनिधि सभा सदस्य उमाशंकर अरगरियाको प्रमुख अतिथिमा भएको छ। नगर अध्यक्ष दिप्या देवी दासको अध्यक्षतामा भएको पार्टी कार्यालय उद्घाटनमा समाजवादी पार्टीका केन्द्रीय सदस्य तथा विसु अभियानका जिल्ला संयोजक एवं निर्वाचन क्षेत्र नं.२ धनुषा सांसद उमाशंकर अरगरियाले
बोल्दै नेपाल कम्युनिस्ट पार्टी (नेकपा) र नेपाली कांग्रेस दुवै दलमा कतिपय राम्रा मान्छे रहेको उनले बताए तर उनीहरूको विचार अगाडि ल्याउन नदिइएका कारण त्यस्ता विचारलाई मुद्दाका रूपमा समाजवादी पार्टीले उठाउने भएकाले बुद्धिजीवीहरू आफ्नो पार्टीमा आउनु उपयुक्त हुने प्रमुख सचेतक अरगरियाको भनाइ थियो र
संगठन चुस्त दुरुस्त बनाउनेमा जोड दिए ।

सांसद अरगरियाले जनताको काम इमानदारीताका साथ गरिदिन नगरका नेताहरुसंग आग्रह समेत गरे । उनले मधेसी जनताको हकअधिकारका लागी संविधान संशोधन गराउन संघर्ष समेत जारी रहेकाले पनि संगठन निर्माणमा बिशेष ध्यान दिन स्थानीय नेताहरु संग आग्रह गरे ।

सरकारले पटक पटक संविधान संशोधन गर्ने आश्वासन दिएर पनि संविधान संशोधन गर्न नसकेपछि संविधान संशोधनका लागि दवाब दिने उदेश्यका साथ पार्टीलाई नयाँ ढंगबाट अगाडी बढाउन समाजवादी पार्टीले देश भरि संगठन बिस्तार तथा सुदृढीकरण अभियान संचालन गरेको छ ।

समाजवादी पार्टी धनुषाले विदेह नगरपालिकाको लबटोलिमा बिहिवार आयोजना गरिएको नगर स्तरीय अभिमुखिकरण र पार्टीको कार्यालय उद्घाटन कार्यक्रमलाई सम्बोधन गर्दै समाजवादी पार्टीका प्रदेश सांसद शैलेन्द्र कुमार यादवले देशमा अब नयाँ ढंगबाट अगाडि बढन र पार्टीलाई बैकल्पिक शक्तिको रूपमा निर्माण गर्नको लागि संगठन बिस्तार तथा सुदृढीकरण अभियान संचालन गरेको बताएका छन ।

यस्तै सोही कार्यक्रममा लोकतान्त्रिक प्रतिस्पर्धात्मक दलीय व्यवस्थामा बैकल्पिक शक्ति निर्माणको लागि समाजवादी पार्टीलाई देशकै शक्तिशाली एवम् सबभन्दा ठुलो पार्टी बनाउने उदेश्यका साथ पार्टीले संगठन बिस्तार तथा सुदृढीकरण शुरु गरेको पार्टीका केन्द्रीय सदस्य एवं क्षेत्र नं.२ का विसु अभियानका अभियन्ता अरुण सिंह मण्डलले बताएका हुन् ।

समाजवादी पार्टीका धनुषा जिल्ला समन्वय समिति अध्यक्ष पशुपति यादवले समाजवादी पार्टीले लिएको लक्ष्य पूरा हुने वितिकै समाजवादीलाई देशकै सबै भन्दा ठुलो दल बन्न बाट कसैले रोक्न नसक्ने जिल्ला अध्यक्ष यादवले ठोकुवा गर्नु भयो । पार्टीले मधेशवादको साथै राष्ट्रिय तथा अन्तर्राष्ट्रिय स्तर सम्मको मुद्दाको रूपमा लोकतान्त्रिक समाजवाद र समान्तवादको नयाँ एजेन्डा उठाएको बताउदै यादवले पार्टीले लिएको लक्ष्यलाई पूरा गर्न सम्पुर्ण समाजवादी पार्टी लाई समृद्ध र शक्तिशाली पार्टी बनाउने लक्ष्य उदेश्यको साथ अघि बढ्न लागेकोलागि गम्भीर भएर लाग्न आग्रह गरे ।

बैठकमा केन्द्रीय सदस्य अरुण सिंह मण्डल,बिशिस्ट अतिथि प्रदेश सांसद शैलेन्द्र कुमार यादव,पशुपति यादव, दिनकर यादव,औरही नगर अध्यक्ष कमल देव मण्डल, प्रमोद अधिकारी,ममता मण्डल,शम्भु नाथ गोइत, नगर अध्यक्ष दिप्या देवी दास,लगायत विदेह नगरपालिका अन्तर्गत सबै वडा अध्यक्षलगायत पदाधिकारी एवं विभिन्न भातृ संगठनका अगुवा नेताकार्यकर्ताहरुको उपस्थिति रहेको थियोे ।

सम्बन्धित

शहिदनगर : नगरपालिकामा तालाबन्दी गर्न पुगेका वडाध्यक्ष पक्राउ

सशस्त्र प्रहरी बल नेपाल नं. ८ गण धनुषाले मनाए १७ औँ वार्षिकोत्सव

धनुषामा श्रीमतीको बन्चरो प्रहार गरि हत्या गर्ने श्रीमान र जेठाजु पक्राउ

तराई-मधेशमा तातो हावा, जनजीवन प्रभावित

तिनकौरिया : कानूनको उल्लंघन नगरी जनताको भावना अनुसार काम गर्ने प्रहरी वरिष्ठ सई खतिवडा

नेविसंघले शिक्षा गुणस्तरको माग गर्दै देशैभरका स्थानीय तहमा बुझाए ज्ञापन

पर्सा प्रहरीद्वारा पम्पम बेलडिङको गोदाममा छापा हानि भन्सार छलि गरि ल्याएको करोडौं अवैध लत्ताकपडा बरामद

मधेश सरकारमा नवनियुक्त ३ मन्त्री र १ राज्यमन्त्रीले लिए शपथ