2024-04-23
Close
2024-04-23
जनकपुरधाम । मधेस प्रदेशको सर्लाहीबाट लागुऔषध गाँजासहित श्रीमान्- श्रीमती पक्राउ परेका छन् ।
हरिवन नगरपापालिका ८ पुरानो बजारस्थित भित्री सडकखण्डबाट बा६८प ४९७२ नम्बरको मोटरसाइकलमा सवार उनीहरूलाई पक्राउ गरिएको सर्लाही प्रहरीका प्रवक्ता एवम् डीएसपी माधवप्रसाद बुढाथोकीले बताए ।
बागमती नगरपालिका १२ बस्ने ३८ वर्षीय रुद्रबहादुर अधिकारी र पछाडि सवार उनका ३० वर्षीय पत्नी ऋचा अधिकारीलाई गाँजासहित पक्राउ गरिएको बुढाथोकीले बताए । उनीहरूको साथबाट पाँच किलो गाँजा बरामद भएको छ ।
दुवैलाई नियन्त्रणमा लिई थप अनुसन्धान भइरहेको प्रहरीले जनाएको छ । मधेस प्रदेशमा लागुऔषधको कारोबार बढेको बढ्यै छ । प्रत्येक जिल्लाबाट दैनिक २/४ जना लागुऔषधसहित पक्राउ पर्ने गरेका छन् ।
This will close in 20 seconds
