जनकपुरधाम । मधेश स्वास्थ्य विज्ञान प्रतिष्ठान मातहत रहेका प्रादेशिक अस्पताल जनकपुरको निर्देशकमा बालरोग विशेषज्ञ डा. प्रमोद यादव नियुक्त भएका छन् । सामाजिक विकास मन्त्री नवल किशोर साहले उनलाई निर्देशकमा नियुक्त गरेका हुन् । गएको साउन १९ गतेको मन्त्रीस्तरीय निर्णयले डा. यादवलाई निर्देशकमा नियुक्त गरेको हो । निर्देशकमा डा. यादव नियुक्त भएसँगै प्रतिष्ठानका उपकुलपति डा. रामकेवल साह, रजिष्टार डा. विनोद यादव अस्पतालको कार्यकारी भूमिकामा नरहने भएको छ । तत्कालीन मेडिकल सुप्रिटेन्डेन्ट डा. प्रमोद यादवलाई हटाएर प्रतिष्ठानका उपकुलपति डा. साह र रजिष्टार डा. विनोद यादवले अस्पतालको प्रशासन र आर्थिक जिम्मेवारी सम्हालेका हुन् । तत्कालीन मेसु डा. यादवको कार्यकक्षमा हाल उपकुलपति डा. साह र अतिथि कक्ष रहेको कोठामा रजिष्टार डा. यादव बस्दै आएका छन् । अस्पतालको निर्देशक डा. प्रमोद यादवले कार्यभार सम्हालेपछि उनीहरु साबिककै कार्यकक्षमा फर्किने अस्पताल श्रोतले बताए । प्रतिष्ठानको उपकुलपति, रजिष्टार र रेक्टरको कार्यकक्ष साबिकको मेडिकल सुप्रिटेन्डेन्टको भवनमा राखिएको छ । अहिले उपकुलपति र रजिष्टारको दुवै स्थानमा कार्यकक्ष छन् । नवनियुक्त निर्देशक डा. यादवले यसै साता कार्यभार सम्हाल्ने अस्पताल श्रोतले बतायो । उनी यसअघि पनि अस्पतालको मेडिकल सुप्रिटेन्डेन्ट भइसकेका छन् ।

सम्बन्धित

शहिदनगर : नगरपालिकामा तालाबन्दी गर्न पुगेका वडाध्यक्ष पक्राउ

सशस्त्र प्रहरी बल नेपाल नं. ८ गण धनुषाले मनाए १७ औँ वार्षिकोत्सव

धनुषामा श्रीमतीको बन्चरो प्रहार गरि हत्या गर्ने श्रीमान र जेठाजु पक्राउ

तराई-मधेशमा तातो हावा, जनजीवन प्रभावित

तिनकौरिया : कानूनको उल्लंघन नगरी जनताको भावना अनुसार काम गर्ने प्रहरी वरिष्ठ सई खतिवडा

नेविसंघले शिक्षा गुणस्तरको माग गर्दै देशैभरका स्थानीय तहमा बुझाए ज्ञापन

पर्सा प्रहरीद्वारा पम्पम बेलडिङको गोदाममा छापा हानि भन्सार छलि गरि ल्याएको करोडौं अवैध लत्ताकपडा बरामद

मधेश सरकारमा नवनियुक्त ३ मन्त्री र १ राज्यमन्त्रीले लिए शपथ