2024-06-20

Close

जनकपुरधाम । मधेशको लाइफ लाइन हुलाकी राजमार्ग अन्तर्गत रहेको धनुषा–सिरहा जोडने कमला पुलको निर्माण नयाँ डिजाइन अनुसार दुई हप्ताभित्र सुरु हुने भएको छ ।

भासिएको पुलको निरीक्षण गर्न आएका उपप्रधानमन्त्री एवं भौतिक पूर्वाधार तथा यातायात मन्त्री नारायणकाजी श्रेष्ठले दुई हप्ताभित्र निर्माण सुरु हुने बताए । उनले नयाँ डिजाइन बनाउन समय लागेकाले निर्माणमा ढिलाइ भएको बताए ।

मन्त्री श्रेष्ठ मन्त्रालयका सचिव, निर्माण कम्पनी, हुलाकी सडक आयोजनाका अधिकारी र प्राविधिकहरु सँगै लिएर पुलको निरीक्षण गरेका हुन् । पुल भासिएको लामो समयसम्म निर्माण सुरु नभएको भन्दै पटक पटक आन्दोलन भएपछि उनी निरीक्षण गर्न आएका थिए ।

कमला नदीमा २०६८ सालमा पुल निर्माण सुरु भएको थियो । पप्पु कन्स्ट्रक्सनले ४२ महिनाभित्रै सक्ने गरी २४ करोड ९१ लाख रुपैयाँमा ठेक्का पाएको थियो । उसले सात वर्षमा पनि पुल निर्माण पूरा नगरेपछि हुलाकी राजमार्ग सडक निर्देशनालयले पप्पुसँगको ठेक्का तोडेको थियो ।

त्यसपछि १३ असार २०७८ मा ४७० मिटर लामो पुल निर्माण सक्नेगरि लुम्बिनी बिल्डर्सलाई ठेक्का दियो । उक्त पुलको निर्माण अन्तिम चरणमा पुगेको थियो । केही बाँकी काम सकेर साउन २०७८ मा उद्घाटनको तयारी गरिएको थियो ।

तर १७ असारमा अविरल वर्षासँगै आएको बाढीले पुल भासियो । त्यो दिन पूर्वतिरको स्पान भासियो । कात्तिक महिनामा धनुषातिरको ३ नम्बर पिलर भासियो । गलत डिजाइन र गुणस्तरहीन निर्माण सामग्रीको प्रयोगले पुल सञ्चालन नहुँदै भासिएको प्राविधिकहरू बताउँछन् ।

क्षतिग्रस्त पुल नजिकै स्थानीयले बाँस र काठ हालेर बनाएको कच्ची पुलबाट अहिले मानिसहरू आवतजावत गर्छन् । मोटरसाइकल यात्रुसँग पुल बनाएका व्यक्तिले अहिले पनि २५ रुपैयाँ असुल्छन् ।

मन्त्री श्रेष्ठले पुलको निरीक्षणका क्रममा सर्वसाधारणले २५ रुपैयाँ तिरेर नदी आरपार गर्ने गरेका थाहा पाएपछि भने, ‘यहाँको अवस्था अत्यन्त दुःखद छ ।’ उनले हुलाकी सडक आयोजना प्रमुखलाई तत्काल होम पाइप राखेर अस्थायी बाटो बनाउन निर्देशन दिए ।

सम्बन्धित

ताजा

लोकप्रिय

हाम्रो बारेमा

ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा कहिल्यै कसैसँग सम्झौता गर्ने छैन । अनलाइन पत्रिकाको रुपमा निरन्तर सुचना प्रवाहमा जागरुक रहन्छ । अप्पन जनकपुर मिडिया नेटवर्क प्रा.लि. द्वारा संचालित छ.
कम्पनि दर्ता न: २७४३५८/०७८/०७९
सूचना बिभागको दर्ता नं. २९६५/०७८/०७९
प्रेस काउन्सिल नेपाल सूचीकरण दर्ता नं.२२१/०७८/०७९

हाम्रो टिम

सम्पादक :- वि.पि.यादव
समाचार संयोजक :- विपिन कुमार यादव
वरिष्ठ सल्लाहकार :- श्रवण देब
वरिष्ठ सल्लाहकार :- सन्तोष कुमार यादव
संवाददाताहरु :
बद्री प्रसाद यादव (जनकपुर)
नरेश चन्द्र बरबरिया (सिरहा)
श्याम गुप्ता (बारा)
दिपेश कुमार साह (रौतहट)
कृष्ण यादव (बिरगंज)
अजय मिश्र (कपिलवस्तु)

सम्पर्क

अप्पन जनकपुर मिडिया नेटवर्क प्रा.लि.
जनकपुरधाम २ धनुषा,नेपाल
सम्पर्क नम्बर :- 9804825801, 9844005081
ईमेल :- [email protected],
[email protected]
अप्पन जनकपुर मिडिया नेटवर्क प्रा.लि. द्वारा संचालित हुनेछ

Copyright © 2018-2024 अपन जनकपुर

This will close in 20 seconds

This will close in 0 seconds