2024-05-07
Close
2024-05-07
अप्पन जनकपुर
जनकपुरधाम । जनकपुरधाममा औषधि व्यवस्था विभागले अनुगमन थालेपछि अवैध औषधि सञ्चालकको भागाभाग भएको छ । औषधि व्यवस्था विभाग शाखा कार्यालय वीरगन्जबाट अधिकृत मुकेन्द्र पजियारको नेतृत्वमा आएको टोलिले गत मंगलबारदेखि औषधि पसल तथा फार्मेसीको अनुगमन गरिरहेको छ ।
सो क्रममा दर्ता बिनै सञ्चालित अधिकांश औषधि पसल सञ्चालक पसल बन्द गरी भागेको विभाग वीरगन्जका शाखा फार्मेसी अधिकृत सर्फराज अहमद खानले बताए ।
उनका अनुसार हस्पिटलको फार्मेसी, हलसेल फार्मेसी र औषधि पसल गरि ६५ वटामा अनुगमन गरिएको छ । जसमा अधिकांश अस्पतालहरुमा आफ्नो फार्मेसी नभएको र सटर भाडामा दिएर बाहिरका व्यक्तिले सञ्चालन गरको पाइएको छ ।
दर्ता भएका केही औषधि पसलमा फर्मासिस्ट नभएको र उपस्थित व्यक्तिले विभिन्न कामले उनीहरु बाहिर रहेको बताएका छन् । उनीहरूलाई फर्मासिस्ट आफै बस्नु पर्ने अथवा अनुपस्थित बेला बन्द वा फर्मासिस्ट बसाएर मात्र जान सुझाब दिएको उनले बताए ।
बिगतमा पनि अनुगमनमा आउँदा अवैध औषधि पसल सञ्चालक बन्द गरेर भाग्ने गरेको टोलिको भनाइ छ ।
This will close in 20 seconds
This will close in 0 seconds
