2024-04-20
Close
2024-04-20
कलैया : बारा २ को उपनिर्वाचनमा जसपा अध्यक्ष उपेन्द्र यादव हार्ने निश्चित भएपछि लोसपा अध्यक्ष महन्थ ठाकुर पञ्छिएका छन्।
पाँच दलीय गठबन्धनमा लोसपा अध्यक्ष ठाकुर रहेपनि विहीबार गढीमाईमा आयोजित गठबन्धनको सभामा ठाकुर पुगेनन् । लोसपा अध्यक्ष महन्थ ठाकुर पनि सभालाई सम्बोधन गर्ने प्रचार गरिएको थियो। तर अन्तिम समयमा ठाकुरले अस्वीकार गरेका थिए ।
लोसपाका एक वरिष्ठ नेताका अनुसार पार्टी तथा विभिन्न संस्थाहरुले गरेको सर्वेक्षणमा उपेन्द्र यादवको हार निश्चित देखिन्छ । ‘ठाकुर जी त्यो सभामा गएर पनि उपेन्द्र यादव जित्ने सम्भावना रहँदैन।’ लोसपाका उक्त नेताले भने,‘बारा २ का स्थानीय नेता कार्यकर्ताहरुले सीके राउतले जित्ने भनेको छ।’
ठाकुर निटक श्रोतका अनुसार महन्थ ठाकुर जीवनको उतरार्धमा रहेकोले उनी विवादमा पर्न नचाहेको हो।
निर्वाचनअघि उपेन्द्र यादवले जसपाबाट महन्थ ठाकुर र राजेन्द्र महतो लगायतका नेताहरुलाई कारवाही गरेर निकालेको थियो।
उपेन्द्र यादवको पार्टी विभाजन हुन लाग्दा तत्कालिन राजपाले एकीकरण गरी उपेन्द्र यादवलाई बचाएको थियो । तर, त्यसको केही दिनमै पार्टी कब्जा गरेर उपेन्द्र यादवले राजपाका नेताहरुलाई पार्टीबाट निकालेका थिए ।
This will close in 20 seconds
