2024-03-02

Close

जनकपुरधाम । धनुषाको जनकनन्दिनी गाउँपालिकाले प्रयोगशाला सँचालनमा ल्याएको छ । विहिबार एक समारोहबीच “जनकनन्दिनी जनस्वास्थ्य प्रयोगशाला” सँचालनमा ल्याएको हो ।

जनकनन्दिनी गाउँपालिकाका अध्यक्ष दिपिन देव यादवको निरन्तर पहलपछि गाउँपालिकामा पहिलो पटक ल्याब सँचालनमा आएको हो । स्थानीय तहसँग प्रदेश सरकारको स्वास्थ्य समन्वय कार्यक्रम अन्तर्गत जनकनन्दिनी गाउँपालिकाको खजुरीमा प्रयोगशाला सँचालनमा आएको हो ।

“जनकनन्दिनी जनस्वास्थ्य प्रयोगशाला” नाम दिइएको उक्त प्रयोगशालामा थाईरोइड बाहेका सबै प्रकारको चेकजाँच हुने भएपछि यहाँका नागरिकले जनकपुर वा सिरहा नै जानुपर्ने बाध्यता पनि अन्त्य भएको गाउँपालिका अध्यक्ष यादवले बताए ।

नेपाल–भारतको सीमासँगै रहेको जनकनन्दिनी गाउँपालिकाका बासिन्दाहरु ल्याब नहुँदा भारतको जयनगर, देवधा वा अन्य ठाउँमा जानुपर्ने बाध्यता थियो । जनकनन्दिनी गाउँपालिका वडा नं. ४ खजुरीमा सँचालनमा आएको ल्याबमा सबै चेकजाँच हुने भएपछि अब जयनगर वा जनकपुर जानुपर्ने बाध्यता अन्त्य भएको दाबी गाउँपालिका अध्यक्ष यादवको छ ।

उनले भने, –“धेरै मिहिनेत र पहलपछि प्रदेश सरकारको समन्व्यमा प्रयोगशाला सँचालनमा ल्याएका छौँ । यो प्रयोगशालामा एकदमै न्यून्त्तम दरमा परीक्षण गरी रिपोर्ट दिइने छ । खुन, पिसाब, खकार लगायतका अन्य टेष्टहरु न्युन्त्तम दरमा गरिनेछ, यसले जनकनन्दिनी गाउँपािलकाको ६ वटै वडाका नागरिक स्थानीय स्तरमै लाभान्वित हुनेछ ।”

ल्याब टेष्टको लागि प्रकृति अनुसार न्युन्त्तम २५ रुपैयाँदेखि अधिकत्तम ३०० रुपैयाँसम्म चार्ज रहेको जनकनन्दिनी गाउँपालिकाका स्वास्थ्य शाखा सँयोजक रविभुषण मण्डलले जानकारी दिए । उनका अनुसार, टेष्टको प्रकृति अनुसार न्युन्त्तम दरमा चेकजाँच हुनेछ ।  

जनकपुर वा अन्य ठाउँमा सोही चेकजाँचको लागि ५०० देखि १५०० सम्म लिने गरेकोमा यहाँ कम रेटमा चेकजाँच हुने मण्डलले बताए ।

ल्याब उदघाटनको क्रममा गाउँपालिका उपाध्यक्ष कमला सहगल, वडा नं. ४ का वडाध्यक्ष दिलिप यादव, वडा नं. ३ का वडाध्यक्ष विष्णुदेव साह, वडा नं. ६ का वडाध्यक्ष सूर्यदेव यादव, वडा नं. १ का वडाध्यक्ष सँतोष गोईत, स्वास्थ्य शाखाका कर्मचारी, स्वास्थ्यचौकीका कर्मचारीहरुको समेत सहभागीता रहेको थियो ।

जनकनन्दिनी जनस्वास्थ्य प्रयोगशलालाई अध्यक्ष दिपिनदेव यादव र उपाध्यक्ष कमला सहगलले सँयुक्त रुपमा उदघाटन गरेको हो ।

सम्बन्धित

ताजा

लोकप्रिय

हाम्रो बारेमा

ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा कहिल्यै कसैसँग सम्झौता गर्ने छैन । अनलाइन पत्रिकाको रुपमा निरन्तर सुचना प्रवाहमा जागरुक रहन्छ । अप्पन जनकपुर मिडिया नेटवर्क प्रा.लि. द्वारा संचालित छ.
कम्पनि दर्ता न: २७४३५८/०७८/०७९
सूचना बिभागको दर्ता नं. २९६५/०७८/०७९
प्रेस काउन्सिल नेपाल सूचीकरण दर्ता नं.२२१/०७८/०७९

हाम्रो टिम

सम्पादक :- वि.पि.यादव
समाचार संयोजक :- विपिन कुमार यादव
वरिष्ठ सल्लाहकार :- श्रवण देब
वरिष्ठ सल्लाहकार :- सन्तोष कुमार यादव
संवाददाताहरु :
बद्री प्रसाद यादव (जनकपुर)
नरेश चन्द्र बरबरिया (सिरहा)
श्याम गुप्ता (बारा)
दिपेश कुमार साह (रौतहट)
कृष्ण यादव (बिरगंज)
अजय मिश्र (कपिलवस्तु)

सम्पर्क

अप्पन जनकपुर मिडिया नेटवर्क प्रा.लि.
जनकपुरधाम २ धनुषा,नेपाल
सम्पर्क नम्बर :- 9804825801, 9844005081
ईमेल :- [email protected],
[email protected]
अप्पन जनकपुर मिडिया नेटवर्क प्रा.लि. द्वारा संचालित हुनेछ

Copyright © 2018-2024 अपन जनकपुर

This will close in 20 seconds