2024-12-12
Close
2024-12-12
अप्पन जनकपुर
जनकपुरधाम । धनुषाको विदेह नगरपालिका-८ बफैमा आयोजित माध्यमिक विद्यालय स्तरीय हाजिरी जवाफ, नृत्य र गायन गरी तीनवटै प्रतियोगितामा श्री जनता नमूना मा.वि. गिद्धा-बेलापट्टीले प्रथम स्थान हासिल गरेको छ ।
तिहार र छठ पर्वको अवसरमा निःशुल्क “साँझ ट्यूशन सेन्टर” बफैद्वारा संचालन गरिएको यस प्रतियोगितामा जिल्ला भरिका १३ वटा विद्यालयका विद्यार्थीहरु सहभागि भएका थिए ।
सो मध्ये हाजिरि जवाफ प्रतियोगितामा श्री जनता नमूना मा.वि. गिद्धा-बेलापट्टीको सुमित अधिकारी, कंचन साह, बलराम शार्माको समूहले प्रथम स्थान हासिल गरेको बताइएको छ । त्यस्तै गायन तर्फ दिपिका मण्डल प्रथम भएकी छन् । त्यस्तै नृत्य प्रतिगोगिता तर्फ गिद्धा बेला माविका अंजली मुखिया, सुस्मिता महतो, सरस्वती कुमारी महरा, साजन मण्डल, प्रियँका दास, पूजा पासमान सम्मिलित समूहले प्रथम स्थान हासिल गरी विद्यालयको सम्मानलाई उच्च स्थानमा पुर्याएको गिद्धा बेला माविका प्रधानाध्यापक पवन मण्डलले बताए ।
गंगाप्रसाद मंडलले अध्यक्षता गरेको सो कार्य क्रममा प्रमुख अतिथि साहित्यकार डा.राजेन्द्र विमल, साहित्यकार धीरेन्द्र प्रेमर्षि सहितका अतिथिहरु विजेता टोलीलाई पुरस्कार तथा सम्मान दिएका थिए ।
कार्यक्रममा गायिका रुपा झा, बाबा सत्यनारायण आलोक, दिवाकान्त झा, सुरतलाल यादवसहितका वक्ताहरुले शुभकामना आदान प्रदानमा आ आफ्नो धारण ाराखेका थिए । त्यस्तै जनकपुरधामका ख्याति कलाकार रामनारायण ठाकुर र धिरज ठाकुरले निर्णायकको भूमिका निर्वाह गरेको बताइएको छ ।
कार्यक्रमलाई सक्रिय सहभागिता जनाई सफल बनाउन सहयोग गर्ने विद्वान शिक्षक–शिक्षिका साथीहरु, विशेषगरी सरोज कुमार मंडल, नृत्मा बरुण कुमार पंडित, गायनमा विन्देश्वर ठाकुर, पवन कुमार झा र विनय कुमार मंडल, देवनारायण साहसहितकालाई प्रधानाध्यापक मण्डलले धन्यवाद समेत व्यक्त गरेका छन् ।
विक्रम सम्वत् २००८मा स्थापना भएको सो विद्यालयमा हाल ५ हजार ९ सय १५ छात्रछात्रा अध्ययनरत रहेका छन् भने ७७ जना शिक्षक तथा कर्मचारीहरु कार्यरत रहेका छन् । प्राथमिक विद्यालयको रुपमा स्थापना गरिएको सो विद्यालय २०२९ सालमा निम्न माध्यमिक विद्यालयको रुपमा स्तरोन्नति भएको थियो भने अहिले कक्षा १२ सम्मको अध्ययन अध्यापना हुने गरेको छ ।
