2024-10-12
Close
2024-10-12
अप्पन जनकपुर
सिरहा । सिरहा नगरपालिका-१७ पटेर्वाका पूर्व शिक्षक एवम समाजसेवी राम अशिष गोईतको आज अन्तिम बिदाई गरिएको छ ।
बुधबार करिब चार बजेको समय आफ्नै निवास पटेर्वामा निधन भएको थियो ।
समाजको हकहितका लागि सदैव मार्गनिर्देशन दिने एक सालिन व्यक्तिको रुपमा यादव चिनिन्थ्यो । सिरहा नगरपालिका-१७ का वडावासीले एक अभिभावक गुमाएको छ ।
उनको शरीरमा हर्टको समस्या देखिएपछि पहिला काठमाडौ स्थित मेडिसिटी हस्पिटलमा एक हप्ता उपचार भयो पछि टिचिङ अस्पतालमा करिब अढाई महिना लामो समय भेन्टिलेटरमा राखी उपचार गरिएको थियो तर कुनै सुधार नभएपछि चारदिन आगाडी घर ल्याएको परिवारले जानकारी दिए ।
सिरहाको पटेर्वा कमला घाटमा पूर्व शिक्षक, समाजका पथप्रदर्शक गोईतको पार्थिव शरीरमा यादवको जेठो छोरा डा. कृष्ण कुमार यादवले दागबत्ती दिए पछि आज देखि बिधिवत रुपमा कृयामा बसेका छन ।
राम नाम लेखेका चादर ओढाएर नेकपा एमालेका नेता तथा पूर्वमन्त्री उमाशंकर अरगरिया, नेकपा एस नेता तथा प्रदेश सभा सदस्य प्रमोद यादव, जनता समाजबादी पार्टीका नेता शैलेन्द्र कुसैयत, नेकपा एमालेका नेता कमलदेव यादव, जनता समाजबादी पार्टीका नेता जितेन्द्र यादव लगायत शिक्षक, राजनीतिकर्मी, संचारकर्मी, स्थानीय, बुद्धिजिवीहरुले श्रद्धाञ्जली अर्पण गरेका थिए ।
