संघीय प्रेस फोरम र प्रेस सोसाइटीबीच एकता, संगठनको नाम ‘प्रेस नेपाल’

काठमाडौं भदौ ७ गतेे  – तत्कालिन संघीय समाजवादी फोरम नेपालनिकट पत्रकारहरुको संगठन संघीय प्रेस फोरम र नयाँ शक्ति पार्टीनिकट प्रेस सोसाइटी नेपालबीच शनिबार समायोजन गरिएको छ ।
समाजवादी पार्टीको वौद्धिक पेसाकर्मी महासंघका अध्यक्ष कृष्ण शर्मा तथा इन्चार्ज नहेन्द्र प्रधानको उपस्थितिमा पार्टी कार्यालय बालकुमारीमा आयोजित कार्यक्रममा दुई संगठनबीचको एकता वा समायोजन सम्पन्न गरिएको हो ।
समायोजनसँगै केशव अर्यालको अध्यक्षतामा ८० सदस्यीय प्रेस नेपाल गठन गरिएको छ ।

समितिको उपाध्यक्षमा आतिशकुमार मिश्र, नातिकाजी महर्जन, कमन देवान, प्रल्हाद पोखरेल, मनोज ढोडारी चयन भएका छन् ।
महासचिवमा विजय चाम्लिङ, उपमहासचिवमा देवेन्द्र खापुङ र सचिवहरुमा दिपेन्द्र रुम्दाली, मुकेश मिश्र, शाहीमान राई योगेन्द्र साही, विदुर ढुंगेल र उज्वल पौडेल छन् भने कोषाध्यक्षमा पासाङ शेर्पा छिन् ।
अर्याल प्रेस सोसाइटीको तर्फबाट अध्यक्ष भएका हुन् ।
उपाध्यक्ष मिश्र, महर्जन र देवान संघीय प्रेस फोरमबाट हुन् भने पोखरेल र ढोडारी प्रेस सोसाइटीबाट उपाध्यक्ष भएका हुन् ।

महासचिव चाम्लिङ, उपमहासचिव खापुङ, सचिवहरु रुम्दाली, मिश्र, राई संघीय प्रेस फोरमबाट हुन् भने साही, ढुंगेल र पौडेल प्रेस सोसाइटीबाट सचिव बनेका हुन् । प्रेस नेपालका कोषाध्यक्ष शेर्पा पनि संघीय प्रेस फोरमबाटै हुन् ।
प्रेस नेपालको औपचारिक घोषणा भने केही दिनपछि विशेष कार्यक्रमका साथ गरिने वौद्धिक पेसाकर्मी महासंघका इन्चार्ज नहेन्द्र प्रधानले बताए ।

सम्बन्धित

ट्राफिक र यातायातको कर्मचारीको सेटिङ्गमा १५ हजारमै पाइन्छ ड्राइभिङ्ग लाईसेन्स

शहिदनगर : नगरपालिकामा तालाबन्दी गर्न पुगेका वडाध्यक्ष पक्राउ

सशस्त्र प्रहरी बल नेपाल नं. ८ गण धनुषाले मनाए १७ औँ वार्षिकोत्सव

धनुषामा श्रीमतीको बन्चरो प्रहार गरि हत्या गर्ने श्रीमान र जेठाजु पक्राउ

तराई-मधेशमा तातो हावा, जनजीवन प्रभावित

तिनकौरिया : कानूनको उल्लंघन नगरी जनताको भावना अनुसार काम गर्ने प्रहरी वरिष्ठ सई खतिवडा

नेविसंघले शिक्षा गुणस्तरको माग गर्दै देशैभरका स्थानीय तहमा बुझाए ज्ञापन

पर्सा प्रहरीद्वारा पम्पम बेलडिङको गोदाममा छापा हानि भन्सार छलि गरि ल्याएको करोडौं अवैध लत्ताकपडा बरामद