2024-04-27
Close
2024-04-27
काठमाडौं थापाथलीस्थित प्रसुती तथा स्त्रीरोग अस्पतालको कम्पाउन्ड भित्रबाटै बच्चा चोरी भएको घटनामा प्रहरीले संग्दिध महिलाको व्यापक खोजी गरेको छ ।
जिल्ला प्रहरी परिसर, काठमाडौंको एउटा छुट्टै टोली बच्चा चोरीको आरोपमा संलग्न संग्दिध महिलाको खोजीमा जुटेको हो । अस्पतालको सीसीटिभी फुटेजमा समेत ती महिलाले बच्चा बोकेर हिँडिरहेको देखिन्छ ।
सीसीटिभी फुटेजमा मास्क लगाएकी महिलाले काखमा बच्चा च्यापेर लगेको प्रष्ट देखिएको छ । सँगै ती महिलाले एउटा हातमा पहेंलो रंगको ब्याग बोकेकी छिन् भने रातो रंगको कुर्था सुरुवाल लगाएकी छन् ।
काभ्रेपलाञ्चोक चौरीदेउरालि गाँउपालिका३ घर भई काठमाडौंको कपन बस्ने २२ वर्षीया सबिना श्रेष्ठले जन्म दिएको २६ दिनको शिशु लिएर हिँड्दै गरेको सीसी टीभीमा देखिएको छ ।
ती बच्चा चोरेकी महिलाको खोजीमा खटिएका प्रहरी अनुसन्धान अधिकृतहरुले फुटेजका आधारमा खोजी थालेका छन् । दिउँसो साढे १२ बजेतिर शिशु हराएको भन्दै प्रहरी कहाँ खबर गरिएको थियो ।
ती अपरिचित महिलाले एकछिन म समातिदिन्छु भन्दै छलेर बच्चा लगि फरार भएको प्रहरी जनाएको छ ।
This will close in 20 seconds
