2024-12-12
Close
2024-12-12
जनकपुरधाम । धनुषाको जनकनन्दिनी गाउँपालिकामा विकास निर्माणको कार्यहरु सुरु भएको छ । जनप्रतिनीधिहरुको विवादबीच गाउँपालिकाको विभिन्न वडामा भौतिक पूर्वाधार निर्माणका कार्यहरु सुरु भएको हो ।
जनकनन्दिनी गाउँपालिकाको वडा नम्बर ५ पतनुकास्थित सडकमा पिसिसि ढलान कार्यको सुरुवात भई चालु आर्थिक बर्षको लागि भौतिक पूर्वाधारको श्रीगणेश भएको हो । चालु आर्थिक बर्षको लागि भौतिक पूर्वाधार निर्माणको क्षेत्रमा कामकाज सुरु भएको हो ।
केही जनप्रतिनीधिहरुबीच समान्य मनमुटाव भएपनि विकासको लागि सबैले एकजुटता देखाएपछि काम सुरु भएको हो । सँगै रहेको छिमेकी स्थानीय तह कमला नगरपालिकामा योजनासमेत फाईनल नभएको अवस्थामा जनकनन्दिनी गाउँपालिकामा भौतिक पूर्वाधार विकासको कार्य सुरु भएको हो ।
जनकनन्दिनी गाउँपालिका वडा नम्बर ५ पतनुकास्थित पिसिसि ढलान कार्य अहिले जारी रहेको छ । यस्तै अन्य विभिन्न वडामा भौतिक पूर्वाधार विकासको कार्य सुरु हुने तरखर भएको गाउँपालिका अध्यक्ष दिपिनदेव यादवले जानकारी दिए ।
