2024-04-26
Close
2024-04-26
प्रमुख समाचार
अप्पन समाचार जनकपुरधाम, ४ माघ । सिरहामा डिजे साउण्ड सिस्टमु लोड गरिएको ट्याक्टर दुर्घटना हुँदा दुईजनाको मृत्यु भएको छ । ट्याक्टरमा सवारमध्ये पाँचजना घाइते पनि भएका छन् ।
पूर्व पश्चिम राजमार्गअन्तर्गत गोलबजार नगरपालिका ७ चोहर्वा चोकनजिकै स १ त ६५६० नम्बरको ट्याक्टर दुर्घटना भएको हो । दुर्घटनामा लहान नगरपालिका १३ का २१ वर्षीय सन्तोष कुमार यादव र सिरहाकै धनगढी नगरपालिका १२ का २२ वर्षीय श्रीप्रसाद मण्डलको मृत्यु भएको गोलबजार प्रहरीले जनाएको छ ।
ट्याक्टरमा १३ जना सवार थिए । तीमध्ये पाँचजना घाइते पनि भएका छन्। उनीहरूको उपचारका लागि लहान लगिएको छ । बाख्रालाई जोगाउन खोज्दा ट्याक्टर अनियन्त्रित भएर दुर्घटना भएको इलाका प्रहरी कार्यालय गोलबजारका प्रहरी निरीक्षक जनक पुरीले जानकारी दिए । उनका अनुसार घाइतेहरू खतरामुक्त रहेको बुझिएको छ ।
मृतक दुवै जनाको शव पोष्टमार्टमका लागि प्रहरीले रामकुमार उमाप्रसाद स्मारक अस्पताल लहान लगिएको छ । दुर्घटना भएको ट्याक्टर र चालकलाई प्रहरीले नियन्त्रणमा लिएको जनाएको छ ।
This will close in 20 seconds
