2024-10-13
Close
2024-10-13
अप्पन जनकपुर
जनकपुरधाम । धनुषाको विदेह नगरपालिका १ महिनाथपुरस्थित सशस्त्र प्रहरी बल नेपाल प्रस्तावित सिमा सुरक्षा गुल्म महिनाथपुरमा कार्यरत सशस्त्र प्रहरी डिएसपी नरेन्द्र सिंह धामीको बिदाई गरिएको छ । शनिवार एक समारोह आयोजना गरेर उहाँलाई दोसल्ला, माला र टिका लगाइ बिदाई गरिएको हो । सशस्त्र प्रहरी डिएसपी धामीले ६ महिनाको सेवामा अपराध नियन्त्रण, शान्ति सुरक्षा कायम राख्न र खुला सिमानाकाबाट हुने चोरी तस्करी नियन्त्रण कार्यमा सराहनीय काम गरेको भन्दै उहाँको विशेष सम्मान र मायाको चिनोसहित बिदाई गरिएको हो । सो अवधिमा धामीले खुला सिमानाकामा अपराधी गतिविधि र चोरी तस्करी नियन्त्रणमा स्थानीयहरुको सहयोग र समन्वयको कारण सफल भएको बताउनुभयो । उहाँले भन्नुभयो,‘सशस्त्र प्रहरी संगठनमा सरुवा त एउटा प्रक्रिया हो आउने जाने काम भईरहन्छ तर तपाईंहरुले दिनुभएको सहयोगले नै यहाँको शान्ति सुरक्षामा महत्वपूर्ण काम गर्न सफल भएका हौं ।’त्यस्तै सशस्त्र प्रहरी बल नेपाल प्रस्तावित सिमा सुरक्षा गुल्म महिनाथपुरका नयाँ प्रमुख सशस्त्र प्रहरी डिएसपी भरत गौतमलाई स्वागत गरिएको छ । बिदाई तथा स्वागत कार्यक्रममा वडाध्यक्ष संजय पाण्डे, राधेश्याम गोईत, शम्भु साह, रामपुकार सहनी, समाजसेवी, सशस्त्रका इन्स्पेक्टरहरु, सशस्त्र प्रहरी जवानहरु लगायतकाको सहभागिता रहेको थियो ।
