वीरगन्ज४भाद्र

वीरगन्ज महानगरपालिकाको सवारी कर व्यवस्थापनमा अनियमितता र ठगीको आरोप लागेको छ। भारतीय मालवाहक गाडीहरूको लागि निर्धारित कर संकलन गर्ने जिम्मेवारी पाएको नोभा ट्रेडिङले लोड तथा खाली गाडीहरूबाट अवैध रूपमा अतिरिक्त कर संकलन गरिरहेको पाइएको छ।वीरगन्ज महानगरपालिकाले आर्थिक वर्ष २०८१-८२ का लागि नोभा ट्रेडिङलाई भारतीय मालबाहक गाडीहरूको कर संकलन गर्न टेन्डर दिएको थियो। सम्झौताअनुसार लोड रहेका गाडीहरूबाट मात्र नेपाली रुपैयाँ २८२ संकलन गर्नुपर्नेमा नोभा ट्रेडिङले भारतीय रुपैयाँ २५० संकलन गरेको प्रमाण फेला परेको छ। साथै, खाली गाडीहरूलाई पनि जबर्जस्ती रोकी, भारतीय रुपैयाँ २५० संकलन गरिएको छ।वीरगन्ज महानगरपालिकाको सम्झौता विपरीत बिना ईजाज्त  नोभा ट्रेडिङले वीरगन्ज महानगरपालिका वडा १७ अलौमा रहेको आईसिपी गेट,बिन्दवासिनी, रामगढवा बहुअरी र श्रिपुरमा ढाट राखिएको विरोधमा अलौ, रामगढवा, बहुअरी, श्रिपुर लगाएतको ठाऊठाऊमा स्थानीयहरुले ढाट हटाउन सवारी साधनहरुलाई सडक पेटीमा रोकी विरोध प्रर्दशन गर्दे आएका छन।भारतीय सवारी चालक धर्मेन्द्र सिंहले परवानिपुरको कबाडी करको ढाटले रसिद नकाटी २०० भारतीय रुपैयाँ लिएको र बहुअरी चौकमा रहेको ढाटले ३०० भारतीय रुपैयाँ मागेको गुनासो गरेका छन्। उनले, “खाली गाडी रहे तापनि ३०० भारतीय रुपैयाँ तिरेको छु,” भनेका छन्।सवारी चालक मुन्ना गुप्ताले पनि लोड भएका गाडीहरूमा मात्र नेपाली रुपैयाँ लाग्ने भनाइको बाबजुद ठेकदारका मान्छेहरूले जबर्जस्ती भारु ५०० संकलन गरेको बताएका छन्।वीरगन्ज महानगरपालिका वडा नम्बर १७ का वडा अध्यक्ष संजु छतकुलीको टोलीले अनुगमनमा पुगेपछि पत्रकार सम्मेलन गरेका थिए। छतकुलीले, “लोड भएका गाडीहरूमा मात्र कर काटिनुपर्नेमा दुबै तिरबाट एकै दिनमा दुईवटा रसिद काटिएको र भारु ५०० संकलन गरिएको छ,” बताए। उनले, “साहुले बाटो खर्च तोकेर दिएको भए तापनि ड्राइभरहरू बाध्य भएर आफ्नो खाना खर्चबाट कर तिरेका छन्,” भने।यस विषयमा वीरगन्ज भन्सार कार्यालयलाई जानकारी गराउँदा, नेपाल ईन्टरमोडल टीआरएस प्रा. लि. ले आईसीपीको बाटोमा ढाट राख्न नपाउने भन्दै पत्रचार गरेको जानकारी गराइएको छ।आईसीपीको बाटोमा ढाट राखिएको कारणले दुर्घटना बढ्दै गएको र भारतीय सवारीसाधनलाई धाक धम्की देखाई पैसा असुल्ने गरेको छ। यस विषयमा जिल्ला प्रशासन कार्यालय पर्सा र भारतीय महावाणिज्यदूतावासलाई ज्ञापन पत्र बुझाउने निर्णय गरिएको छ।सम्बन्धित निकायहरूले समयमै आवश्यक छानबिन नगरेमा दैनिक आईसीपीबाट नेपाल प्रवेश गर्ने ५०० भारतीय मालवाहक सवारी साधनहरूले करको नाममा ठगी खेप्नुपर्ने पीडा रहेको छ। भारतीय मालवाहक सवारी साधनहरुलाइ ठेकेदारहरुले बाउन्सर प्रयोग गरि खुलम खुल्ला ठगी गरिरहदा पनि स्थानीय प्रहरी प्रशासनले चासो नदेखाउनु शंकाको बिषय बनेको छ ।

सम्बन्धित

नेपाल पत्रकार महासंघ धनुषाको अध्यक्षमा पुरन साह विजयी

धनुषा २ : तिनकौरियामा विभिन्न पार्टी परित्याग गरि ५०० जना एमालेमा प्रवेश

धनुषामा किसानहरुको धान खरिद सुरु, सोना मन्सुली धान प्रतिक्विन्टल तीन हजार पाँच सय ८० रुपैयाँ

अहमदिया संघ नेपालको आयोजनामा प्रसौनी निशुल्क आखाँ शिविर समपन्न

मधेश प्रदेशमा धान उत्पादन बढ्यो।।।

बाराको क्राईम शाखाका बिजय यादव र टाईगर टोलीका शाहलाई तस्करी पैसा उठाउन भ्याई नभ्याई

विवाह पञ्चमीमा आएका श्रद्धालुहरु फर्किन थाले, जनकपुरधाम रेल्वे स्टेशनमा घुँइचो

सीताराम विवाह पञ्चमी सम्पन्न, आज ५६ व्यञ्जन खुवाएर अयोध्याको जन्ती र साधुसन्तलाई विदाई गरिने