कलैया । बारामा गढिमाई मेला शुरू भएको छ। अहिले लागिरहेको मेला पाँच बर्षमा लाग्ने मेला हो  । पाँच बर्षमा लाग्ने मेला भएको कारणले पनि यो मेलामा नेपाल र भारतबाट लाखौंको संख्यामा दर्शनार्थीहरूको  आवतजावत हुने गर्दछ । बिशेष गरेर यो मेला एक महिना सम्म चल्ने गर्दछ । मेलामा नेपाली भन्दा पनि भारतीय दर्शनार्थीहरू लाखौंको सख्यामा सवारीसाधन लिएर आउने गर्दछन् ।

यसरी गढीमाईको दर्शन गर्न आउने भारतीय दर्शनार्थीहरू चढेको सवारीसाधनबाट  प्रहरीले बारामा खुलेयाम रकम असुली गरिरहेको भेटिएको छ । भारतीय दर्शनार्थीहरू बिशेष गरेर कर्चवा , मटिर्अवा र  कवही नाकाबाट प्रवेश गरिरहेका छन् । ठूलो संख्यामा आउने दर्शनार्थीहरूले प्रयोग गर्ने  सवारीसाधनबाट यी नाकामा खटिएका प्रहरीले खुलेयाम रकम असुली गरिरहेका छन् । भारतीय नम्बर प्लेटका गाडी प्रवेश गरेवापत प्रहरीले खुलेयाम रकम असुली गरिरहेको हो । प्रहरीले रेट नै राखेर रकम असुली गरेको सवारी चालकहरूले बताएका छन् । चार चक्के र ट्याक्टर प्रवेश गरेवापत भारू दुई सय र अन्य गाडीको हकमा पाँच सय भारू प्रहरीले लिने गरेको गाडीका ड्राइभरहरू बताउँछन् ।

अहिले यी नाकाहरूबाट दैनिक सयौंको संख्यामा नभएर हजारौंको संख्यामा भारतीय नम्बर प्लेटका सवारीसाधनहरू प्रवेश गरिरहेका छन् । यसरी प्रहरीले दैनिक भारतीय नम्बर प्लेटका गाडीहरूबाट मात्रै लाखौं रूपैयाँ उठाई रहेको ड्राइभरहरू बताउँछन् । उता बारा प्रहरीले भने गुनासो आएको स्वीकार्दै त्यस्तो हुन नदिने बताए पनि खुलेयाम असुली कार्य भैरहेको छ । यो अनलाईनको  सम्बादाता बिहीबार १० बजेको समयमा यी नाकामा जांदा पनि प्रहरीले खुलेयाम रकम असुली गरिरहेको थियो ।

सम्बन्धित

वातावरणीय असन्तुलन सबैका लागि चिन्ताको विषय : मुख्यमन्त्री सिंह

धनुषा प्रहरीको हिरासतमा एक बालकलाई कुटपिट गरेको घटनामा छानबिन सुरु

मधेश प्रहरीको फेक आईडी सँचालन, सचेत रहन आग्रह, पेज बनाउने व्यक्तिको खोजी तीव्र

धनुषामा सशस्त्र प्रहरीद्वारा १३ लाख बढीको अवैध काजु बरामद

धनुषामा ससुरालाई चक्कु प्रहार गरी हत्या गरेको आरोपमा ज्वाइँ पक्राउ

प्रहरीलाई पढाइको चटारो, स्टाफ कलेज नगरे डीआईजी हुनै नपाइने

शहिदनगर नगरपालिकामा बेनामे करार कर्मचारीको नाममा २ लाख ४२ हजार रुपैयाँ झ्वाम्म

मधेस बाहेक देशका अधिकांश भागमा मनसुनी वायुको प्रभाव, भारी वर्षाको सम्भावना