2024-05-07
Close
2024-05-07
जनकपुरधाम । धनुषाको शहिदनगर नगरपालिकाको एक वडाध्यक्ष निलम्बनमा परेका छन् । कृषि सडक निर्माणमा रकम हिनामिना गरेको अभियोगमा अख्तियार दुरुपयोग अनुसन्धान आयोगले वडा नम्बर ८ को वडाध्यक्ष तनुकलाल कुसियैतसहित १२ जनाविरुद्ध विशेष अदालतमा भ्रष्टाचार मुद्दा दायर गरेको थियाे ।
अख्तियारले विशेष अदालतमा मुद्दा दायर गराएपछि वडाध्यक्ष कुसियैत स्वत निलम्बनमा परेका हुन् । कृषि सडक निर्माण हुँदा कामभन्दा बढी रकम निकासा गरी रकम हिनामिना गरेको उजुरी परेपछि अख्तियार दुरुपयोग अनुसन्धान आयोगले अनुसन्धान गर्दा भ्रष्टाचार भएको ठहरभएपछि विशेष अदालत काठमाडौँमा उनी विरुद्ध मुद्दा दायर गरिएको छ ।
आर्थिक वर्ष २०७४/७५ मा शहिदनगर नगरपालिका वडा नम्बर ८ स्थित विसरभोरा नहरदेखि गोठकोयलपुर सीमासम्म कृषि सडक निर्माण गर्दा फिल्डमा भएको कामभन्दा बढी काम गरेको भनी गलत नापी किताब र कार्यसम्पन्न प्रतिवेदन तयार पारी उपभोक्ता समितिलाई बढी भुक्तानी गरेको लागत, इस्टिमेट र कार्यसम्झौता अनुसार काम गर्ने भनिएता पनि लागत बढाई, बढाउन लगाई बढी भुक्तानी दिने र लिने काम गरी २ लाख १२ हजार ८ सय १६ रुपैयाँ बराबरको सरकारी रकम हानिनोक्सानी गरी भ्रष्टाचार गरेको अख्तियारको ठहर छ ।
अख्तियारले सजाय हुन मागदाबी लिई अख्तियार दुरुपयोग अनुसन्धान आयोग ऐन, २०४८ को दफा १८ र दफा ३५ तथा भ्रष्टाचार निवारण ऐन, २०५९ को दफा ३६ बमोजिम सोमबार बिशेष अदालत, काठमाडौंमा आरोप पत्र दायर गरेको छ ।
This will close in 20 seconds
This will close in 0 seconds
