2025-07-01
Close
2025-07-01
जनकपुरधाम । सहकारी संघसंस्थाका पदाधिकारी तथा कर्मचारीहरुलाई सम्पत्ति सुद्विरण बारे प्रशिक्षण दिइएको छ । भूमि व्यवस्था तथा गरिबी निवारण मन्त्रालयको आयोजनामा जनकपुरधाममा एक दिने सचेतना गोष्ठीको आयोजना गरि उनीहरुलाई सम्पत्ति शुद्धिकरण र त्यसका सवालमा भविष्यमा हुन सक्ने सम्भावित चुनौतीहरुबाट सचेत गराइएको छ ।
राष्ट्रिय सहकारी महासङ्घको सञ्चालक नथुनी यादवको प्रमुख आतिथ्यतामा भएको गोष्ठीमा सहकारीकर्मीहरुलाई सहकारी सञ्चालनका क्रममा अपनाउनु पर्ने प्राविधिक ज्ञान, कानुनी प्रक्रिया र संस्थागत गतिविधी सहितका विभिन्न विषयहरुमा जानकारी गराइनुका साथै सचेतनाका विषयहरुमा प्रशिक्षण दिइएको छ । सञ्चालक यादवले सहकारीकर्मीहरु जनताको सहज र नजिकको भरपर्दो वितिय निकाय रहेकाले विश्वसनिय सेवा र सत्यतामा ध्यान दिनुपर्ने बताए ।
सहकारी विभागका उपरजिष्ट्रार शशी कुमार लम्सालसहितकाले आ-आफनो धारणा राखेका थिए । सो अवसरमा सहकारी अगुवा ध्रुव नारायण यादव, विनोद प्रसाद रोहितासहितको उपस्थिति थियो ।
