2024-04-27
Close
2024-04-27
मुख्य समाचार
जनकपुरधाम,१९ विमत । बाराको प्रसिद्ध गढीमाई मेलाबाट यात्रु बोकेर फर्कदै गरेको ट्याक्टरको ठक्करबाट धनुषामा एक महिलाको ज्यान गएको छ । ज्यान जानेमा महोत्तरीको बलवा सरपल्लो बस्ने ३५ वर्षीया संगीता देवी बडहीको घटनास्थलमै ज्यान गएको प्रहरीले जनाएको छ ।
ईलाका प्रहरी कार्यालय सखुवा महेन्द्रनगरका अनुसार गढीमाई मेलाबाट फर्किदै गरेको ज १ त ५८८६ नम्बरको ट्याक्टर धनुषाको मिथिला नगरपालिका २ नक्टाझिझको विश्वकर्मा चोक नजिक आज विहान साढे ६ बजे मोर्निंगवाकमा रहेकी संगीतादेवीलाई ठक्कर दिएको हो ।
घटनापश्चात चालकले यात्रुलाई ट्याक्टरमै छोडेर फरार भएका छन् । मृत्यु भएकी महिलाको शवर्लाइ पोस्टमार्टमको लागि जनकपुर अञ्चल अस्पताल ल्याउने तयारी भइरहेको र फरार चालकको खोजी कार्यजारी रहेको ईलाका प्रहरी कार्यालय सखुवा महेन्द्रनगरले जनाएको छ ।
यसअघि मंगलबार राति पनि बाराको गढीमाईबाट यात्रु बोकेर फर्किदै गरेको पिकअप पूर्व पश्चिम राजमार्ग अन्तर्गत बर्दिबास नगरपालिकाको लक्ष्मिनिया जंजलमा दुर्घटना हुँदा २ महिलाको घटनास्थलमै ज्यान जानुको साथै १४ जना घाइते भएका थिए ।
This will close in 20 seconds
