2024-04-26
Close
2024-04-26
जनकपुरधाम,१७ पौष । संघीय साँसद तथा समाजवादी पार्टीका प्रमुख सचेतक उमाशंकर अरगरियाले उखु किसानको भुक्तानी नदिने चिनी मिल संचालकहरुलाई कारबाहीको दायरमा ल्याउन माग गरेका छन् ।
सचेतक अरगरिया सामाजिक संजाल फेसबुकमा स्टाटस लेखेर चिनी मिल संचालन सम्पर्कमा आएको बहाना नगरी कारबाहीको दायरमा ल्याउन माग गरेका हुन् । उनले कृषि प्रधान देशमा किसानले आन्दोलन गर्नुपर्ने अवस्था आएको भन्दै दुःख व्यक्त पनि गरेका छन् ।
सचेतक अरगरियाले लेखेका छन्–
उखुको भुक्तानीका लागि सर्लाहीका किसानहरु काठमाडौंमा अझै धर्नामा छन् । कृषि प्रधान देशमा किसानले आन्दोलन गर्नुपर्ने अवस्थाले अत्यन्त दुःखी छु । किसानहरुको माग अविलम्ब पुरा गर्न सरकारसँग जोडदार माग गर्दछु । उखुको भुक्तानी नदिने चिनी मिलका संचालनहरुलाई कडा कारबाही गर्नुपर्छ । टेलिफोन सम्पर्कमा आयो भनेर सरकारले बहाना गर्न मिल्दैन । उनीहरुलाई कारबाहीको दायरमा ल्याउनुपर्छ । साथै अगामी दिनमा यस्तो समस्या नहोस् भनेर आवश्यक निर्णय लिन सरकारसँग आग्रह पनि गर्दछु ।
उमाशंकर अरगरिया
प्रमुख सचेतक , समाजवादी पार्टी
एवम्
प्रतिनिधि सभा सदस्य क्षेत्र नं. २ धनुषा
This will close in 20 seconds
