जनकपुरधाम, २० पौष । आगामी माघ ९ गते हुन गइरहेको राष्ट्रिय सभा सदस्यको निर्वाचनका लागि प्रदेश २ मा विभिन्न दलका उम्मेदवारहरुले मनोयनपत्र दर्ता गराएका छन् ।

प्रदेश २ मा राष्ट्रिय सभा सदस्यको रिक्त रहेको ४ सीटका लागि ८ जना उम्मेदवारले बाजागाजाका साथ नारा जुलुस सहित शक्ति प्रदर्शन गर्दै मनोयन पत्र दर्ता गराएका हुन ।
पछिल्लो पटकको सहमति अनुसार राष्ट्रिय जनता पार्टी नेपाल तथा नेपाल कम्युनिष्ट पार्टी (नेकपा) को तर्फबाट ४ जनाले उम्मेदवारले मनोयन पत्र दर्ता गराएका हुन । त्यसैगरी कांग्रेस र समाजवादी पार्टीको तर्फबाट पनि संयुक्त रुपमा ती सिटहरुमा मनोयन दर्ता गराएका हुन ।

नेकपाको तर्फबाट महिलातर्फ तुलसा दाहाल र दलिततर्फ राधेश्याम पासवान तथा राजपाको तर्फबाट अन्य पुरुष समूह (खुल्ला) मा मृगेन्द्र सिंह यादव र अल्पंख्यक वा अपांगताबाट शेखर सिंहले मनोयन पत्र दर्ता गराएका छन ।

नेकपा र राजपाको उम्मेदवारहरुको प्रस्तावक र समर्थक संयुक्त रुपमा रहेका थिए । नेकपातर्फबाट तुलसा दाहालको प्रस्तावक शत्रुध्न महतो, समर्थक परमेश्वर साह, राधेश्याम पासवानको प्रस्तावक सत्यनारायण मण्डल, समर्थक रामनरेश राय, मृगेन्द्र सिंह यादको प्रस्तावक नवलकिशोर साह, समर्थक सुन्दरमणि विश्वकर्मा र शेखर सिंहको प्रस्तावक रामचन्द्र मण्डल, समर्थक जितेन्द्र सोनल रहेका थिए ।

त्यसैगरी कांग्रेसबाट महिलातर्फ नगिना यादव, अपांगता वा अल्पसंख्यकमा भोला पजियार र समाजवादीबाट दलिततर्फ रामपृत पासवान र अन्य पुरुष समूह (खुल्ला) तर्फ अनिरुद्ध सिंहले मनोयन गराएका छन् ।

यी मध्ये सबै नयाँ हुन तर समाजवादीका दलिततर्फ रामपृत पासवान यसअघि सदस्य रहिसकेका छन । उनलाई फेरी यसपटक निरन्तरता दिइएको छ ।

कांग्रेस उम्मेदवारहरुको प्रस्ताव समर्थकमा नगिना यादवको शिवचन्द्र चौधरी, विजय शंकर साह , भोला पजियारको रामसरोज यादव, बालेश्वर मण्डल रहेको थियो भने र समाजवादीको उम्मेदवारहरु रामपृत पासवानको प्रस्तावकमा रामआशिष यादव, समर्थक अशोक यादव र अनिरुद्ध सिंहको प्रस्तावक शैलेन्द्र यादव, समर्थकमा चमेलीदेवी दास रहेका थिए ।

उम्मेदवारी दर्ता गराउन अघि नेकपा र राजपाका तथा कांग्रेस र समाजवादी दुई समूहमा विभाजित भई सयौं कार्यकर्ता सहित नारा जुलुसका नगरपरिक्रमा गर्दै निर्वाचन आयोगको कार्यालय पुगेका थिए ।

निर्वाचन कार्यालयले मनोयन पत्र दर्ताका लागि नेकपा र राजपालाई दिउंसो १ बजेदेखि र कांग्रेस तथा समाजवादीलाई २ बजेपछिको समय दिएको थियो ।

सम्बन्धित

शहिदनगर : नगरपालिकामा तालाबन्दी गर्न पुगेका वडाध्यक्ष पक्राउ

सशस्त्र प्रहरी बल नेपाल नं. ८ गण धनुषाले मनाए १७ औँ वार्षिकोत्सव

धनुषामा श्रीमतीको बन्चरो प्रहार गरि हत्या गर्ने श्रीमान र जेठाजु पक्राउ

तराई-मधेशमा तातो हावा, जनजीवन प्रभावित

तिनकौरिया : कानूनको उल्लंघन नगरी जनताको भावना अनुसार काम गर्ने प्रहरी वरिष्ठ सई खतिवडा

नेविसंघले शिक्षा गुणस्तरको माग गर्दै देशैभरका स्थानीय तहमा बुझाए ज्ञापन

पर्सा प्रहरीद्वारा पम्पम बेलडिङको गोदाममा छापा हानि भन्सार छलि गरि ल्याएको करोडौं अवैध लत्ताकपडा बरामद

मधेश सरकारमा नवनियुक्त ३ मन्त्री र १ राज्यमन्त्रीले लिए शपथ