2021-10-17

Close

जनकपुरधाम । धनुषाका प्रमुख जिल्ला अधिकारी प्रदीपराज कनेलले धनुषामा कोरोना भाईरस पाइएको तथ्य अफवाह मात्र भएको दाबी गर्नुभएको छ ।
भारतीय मिडियाहरुमा नेपालको प्रदेश नं. २ को धनुषाको जनकनन्दी गाउँपालिकाका दुई युवकमा कोरोना भाईरसको लक्षण भएको समाचार प्रकाशित गरेपछि हल्ला मच्चिएको थियो ।

त्यो हल्लाको पछाडी नजान आम नागरिकहरुमा सिडिओ कनेलले आग्रह गर्नुभएको छ । धनुषाको सिडिओ कनेलले दुई युवकमा भनिएको कोरोना भाईरसको लक्षण नेगेटिभ देखिएको बताउनुभयो ।
भारतको अस्पतालमा चेकजाँच गरेको तथा उनलाई कालाजार भएको अवस्था भनेपनि कोरोना भाईरसको लक्षण भएको भन्दै कुप्रचार गरिएको बताउनुभयो ।
“केही छैन, हामीले ती दुई युवकलाई प्रादेशिक अस्पतालमा चेकजाँच गराएका छौं । भारतमा गरिएको चेकजाँचको रिपोर्टमा पनि कोरोना नभएको भनेर प्रष्ट लेखिएको छ । प्रादेशिक अस्पतालमा चेकजाँचपछि उनीहरुलाई घर फर्काइएको छ ।, कोरोना छैन । यो सब अफवाह मात्र हो ।”– उहाँले भन्नुभयो ।

यस्तो माहामारीको समयमा कोरोना भाईरसको अफवाह फैलाउनेलाई पनि कारवाही गरिने बताउनुभएको छ । उहाँले समाजिक सञ्जाल फेसबुक, टवीटर लगायत कुनै पनि ठाउँ मार्फत अफवाह फैलाउनेलाई कारवाही गर्ने बताउनुभयो ।
जनकनन्दिनी गाउँपालिका वडा नं. ३ महुवा बस्ने ती युवकहरुलाई चेकजाँचपछि परिवारजनलाई खवर भएलगत्तै जनकनन्दिनी गाउँपालिकाकी उप प्रमुख भारती कार्कीले विहानै एम्बुलेन्स जयनगर पठाएको बताउनुभयो ।
उहाँले गाउँपालिकाबाट १० हजार रुपैयाँ पारित गरी एम्बुलेन्स मार्फत प्रादेशिक अस्पताल जनकपुरमा पठाएको बताउनुभयो । उहाँले समेत युवकहरुलाई कोरोनाको लक्षण नदेखिएको भनेर अस्पताललाई उदृत गर्दै जानकारी दिनुभयो ।

सम्बन्धित

हाम्रो बारेमा

ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा कहिल्यै कसैसँग सम्झौता गर्ने छैन । अनलाइन पत्रिकाको रुपमा निरन्तर सुचना प्रवाहमा जागरुक रहन्छ । अप्पन जनकपुर मिडिया नेटवर्क प्रा.लि. द्वारा संचालित छ.
सूचना बिभाग दर्ता : २८४८
कम्पनि दर्ता न: २७४३५८/०७८/०७९

टिमहरु

संचालक :- विपिन कुमार यादव
सम्पादक :- वि.पि.यादव
वरिष्ठ सल्लाहकार :- श्रवण देब
वरिष्ठ सल्लाहकार :- राज कमल सिंह

सम्पर्क

अप्पन जनकपुरधाम
जनकपुरधाम २ धनुषा,नेपाल
सम्पर्क नम्बर :- 9804825801, 9844005081
ईमेल :- [email protected],
[email protected]
अप्पन जनकपुरधाम संस्था द्वारा संचालित हुनेछ

Copyright © 2018-2021 अपन जनकपुर