2020-10-29

Close

काठमाडौँ,२८बैशाख । तुलसीपुरमा क्वारेन्टाइनमा रहेकी एक महिलाले जुम्ल्याहा बच्चा जन्माएकी छन् ।तुलसीपुर उपमहानगरपालिका–१३, फूलबारीकी अनिता यादवले शुक्रबार राति राप्ती प्रादेशिक अस्पताल तुलसीपुरमा जुम्ल्याहा छोरी जन्माएकी हुन् ।

चार महिनादेखि भारतको रुपैडिहा बिलौनीस्थित माइतीघरमा रहेकी यादव गाडी र पैदल यात्रा गर्दै बिहीबार घर आइपुगेकी थिइन् ।

भारतबाट आएको भनेर गाउँलेहरूले खबर गरेपछि सोही दिन उनलाई उपमहानगरको रक्षाचौरस्थित क्वारेन्टाइनमा राखिएको तुलसीपुरका जनस्वास्थ्य शाखा प्रमुख ओमप्रकाश न्यौपानेले बताए । उनको र्‍यापिड टेस्ट गर्दा रिपोर्ट नेगेटिभ आएको थियो । न्यौपानेका अनुसार यादवलाई शुक्रबार दिउँसो १२ बजेतिर सुत्केरी व्यथा लागेपछि प्रादेशिक अस्पताल लगिएको हो ।

प्रादेशिक अस्पतालकी मेडिकल अधिकृत डा। लिजा पुरीका अनुसार यादवले १।८ र १।५ केजीका शिशुहरूलाई जन्म दिएकी छन् । दुवै शिशुको वजन कम भएकाले उनीहरूलाई तुलसी अस्पतालको एनआईसीयूमा राखिएको बालरोग विशेषज्ञ डा। किशोर खत्रीले बताए ।

सुत्केरी हुँदा यादवका श्रीमान् र परिवार कोही पनि सहयोग गर्न नआएपछि उपमहानगरले उनको हेरचाह र खर्चलगायत सबै जिम्मेवारी लिएको नगरप्रमुख घनश्याम पाण्डेले बताए । यादवका यसअघि दुई छोरा र दुई छोरी छन् । कान्तिपुर दैनिकमा खबर छ ।

सम्बन्धित

ताजा

लोकप्रिय

हाम्रो बारेमा

ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा कहिल्यै कसैसँग सम्झौता गर्ने छैन ।  अनलाइन पत्रिकाको रुपमा निरन्तर सुचना प्रवाहमा जागरुक रहन्छ ।

टिमहरु

चाडै आउदै छ

सम्पर्क

चाडै आउदै छ

Copyright © 2018-2020 अपन जनकपुर