2024-04-16
Close
2024-04-16
जनकपुरधाम : जन्तीको रुपमा आएका साधुसन्त र श्रद्धालुलाई जानकी मन्दिरले ३६ व्यञ्जन गराएर बिदाई गरेसँगै साताव्यापी सीता-राम विवाह पञ्चमी विधिवत रुपमा सम्पन्न भएको छ ।
बुधवार राति वैदिक परम्परा अनुसार प्रतिकात्मक भगवान राम र सीताको विवाह जानकी मन्दिरमा भएपछि आज रामकलेवा विधि गरिएको छ । जसअन्तर्गत भारत र अन्य स्थानबाट आएका साधुसन्त तथा श्रद्धालुलाई आज ३६ व्यञ्जनको भोजन र दक्षिणासहित विदाई गरिएको छ ।
जानकी मन्दिरका सहायक महन्थ रोषण दास ‘वैष्णव’ले रामकलेवा अन्तर्गत करिब १० हजार साधुसन्त र श्रद्धालुलाई ३६ व्यञ्जनको भोजन गराएको बताए । उनका अनुसार भोजनमा दाल, भात, चार वटा तरकारी, दहि, झोरी, बरि, अचार, मिठाई सहित ३६ व्यञ्जन थियो ।
साधुसन्तलाई कम्बल, दोसल्ला र नगद दक्षिणा समेत दिएको सहायक महन्थ वैष्णवले सुनाए ।
उनले भने, ‘जन्तीलाई विशष भोजन र दान दक्षिणा दिएर विदाई गर्ने चलन छ । आज त्यो चलनलाई निरन्तरता दिएका छौं । कसैलाई ५ सय त कसैलाई २ सय नगद दक्षिणा दिएर साधुसन्तलाई विदाई गर्यौं ।’
भगवान रामको जन्मभूमि भारतको अयोध्याबाट हरेक ५ वर्षमा जन्ती आउने परम्परा रहेको छ । सोही अनुसार यसवर्ष औपचारिक रुपमा जन्ती आएको थिएन । यद्दपी लाखौं श्रद्धालु र साधुसन्त विवाह पञ्चमीमा सहभागी भए । राति सीता-राम विवाह सम्पन्न भएलगत्तै श्रद्धालुहरु फर्केपछि आज जनकपुरधाम खाली भएको छ ।
विवाह पंचमी महोत्सव मंसीर १७ गते नै नगर दर्शनसंगै औपचारिक रुपमा सुरु भएको थियो । दोस्रो दिन फूलबारी लीला, तेस्रो दिन धनुष यज्ञ, चौथो दिन तिलकोत्सव, पाँचौं दिन मटकोर र छैठौं दिन हिजो स्वयंम्वर तथा विवाह सम्पन्न भएपछि आज रामकलेवासँगै विवाह पंचमी सकिएको छ ।
: जन्तीको रुपमा आएका साधुसन्त र श्रद्धालुलाई जानकी मन्दिरले ३६ व्यञ्जन गराएर बिदाई गरेसँगै साताव्यापी सीता-राम विवाह पञ्चमी विधिवत रुपमा सम्पन्न भएको छ ।
बुधवार राति वैदिक परम्परा अनुसार प्रतिकात्मक भगवान राम र सीताको विवाह जानकी मन्दिरमा भएपछि आज रामकलेवा विधि गरिएको छ । जसअन्तर्गत भारत र अन्य स्थानबाट आएका साधुसन्त तथा श्रद्धालुलाई आज ३६ व्यञ्जनको भोजन र दक्षिणासहित विदाई गरिएको छ ।
जानकी मन्दिरका सहायक महन्थ रोषण दास ‘वैष्णव’ले रामकलेवा अन्तर्गत करिब १० हजार साधुसन्त र श्रद्धालुलाई ३६ व्यञ्जनको भोजन गराएको बताए । उनका अनुसार भोजनमा दाल, भात, चार वटा तरकारी, दहि, झोरी, बरि, अचार, मिठाई सहित ३६ व्यञ्जन थियो ।
साधुसन्तलाई कम्बल, दोसल्ला र नगद दक्षिणा समेत दिएको सहायक महन्थ वैष्णवले सुनाए ।
उनले भने, ‘जन्तीलाई विशष भोजन र दान दक्षिणा दिएर विदाई गर्ने चलन छ । आज त्यो चलनलाई निरन्तरता दिएका छौं । कसैलाई ५ सय त कसैलाई २ सय नगद दक्षिणा दिएर साधुसन्तलाई विदाई गर्यौं ।’
भगवान रामको जन्मभूमि भारतको अयोध्याबाट हरेक ५ वर्षमा जन्ती आउने परम्परा रहेको छ । सोही अनुसार यसवर्ष औपचारिक रुपमा जन्ती आएको थिएन । यद्दपी लाखौं श्रद्धालु र साधुसन्त विवाह पञ्चमीमा सहभागी भए । राति सीता-राम विवाह सम्पन्न भएलगत्तै श्रद्धालुहरु फर्केपछि आज जनकपुरधाम खाली भएको छ ।
विवाह पंचमी महोत्सव मंसीर १७ गते नै नगर दर्शनसंगै औपचारिक रुपमा सुरु भएको थियो । दोस्रो दिन फूलबारी लीला, तेस्रो दिन धनुष यज्ञ, चौथो दिन तिलकोत्सव, पाँचौं दिन मटकोर र छैठौं दिन हिजो स्वयंम्वर तथा विवाह सम्पन्न भएपछि आज रामकलेवासँगै विवाह पंचमी सकिएको छ ।
This will close in 20 seconds
